Diyarname

Kanala Zarok TV hat girtin. Ji bo carek din vekirina kanalê kampanyaya îmzeyan hat vekirin.

Ji bo îmzekirinê metnek bi sernavê "Bila Zarok TV venemire!" wisa hatiye nivîsandine û tê xwestin ku piştgiriya kampanyaya îmzeyan bê kirin:

"BILA ZAROK TV VENEMIRE! 

Bila Zarok TV venemire, em bi zimanê xwe yê zikmakî li fîlmên herî xweş yên zarokatiya xwe temaşe bikin. Bila zarokên Kurd jî wan fîlm û bernameyan temaşe bikin ku hemû zarokên dinyayê temaşe dikin, vî mafî; ji wan nestînin.

Em dixwazin dîsan li wan fîlman ku me carna bi kêfxweşî, carna jî bi kelogirî temaşe kiriye, temaşe bikin, ku dihêlin em zarokatiya xwe vegerin. 

Pêdiviya me bi îmzaya we hemûyan heye, da ku em dîsan bigîhîjin televîzyona xwe, bibişirin û bikenin. 

Îmzaya we dibe ku bike bi milyonan zarokên Kurd dîsan bikenin. 

Piştgiriya kampanya me bikin ku zarokên me dîsa li televîzyona xwe temaşe bikin.

Bila zarokên me bi zimanê bav û bapîrên xwe bikenin!"

Kesên bixwazin dikarin îmzeya xwe bidin. Lînk ev e:
BILA ZAROK TV VENEMIRE!