ERDOGAN ALTAN / WAN

Şanoya bi navê 'Reşê Şevê" ya Teatra Destar li Şanoya Dewletê ya Wanê hate nîşandan. Nivîskarê lîstikê û derhêner Mîrza Metîn, ji ber ku lîstik li Şanoya Dewletê hatiye nîşandan wekî qenciyê tê dîtin nerazîbûn nîşan da û wiha got: "Ji ber ku li Şanoya Dewletê destûr hatiye dayîn em dê ji dewletê re spas nekin. Lewre ev yek mafê me ye."

Lîstika bi navê "Reşê Şevê" ya Teatra Destar, piştî Wêranşar, Erxenê, Çinar, Mêrdîn, Dîcle, Sixkê û Pirsûsê li Wanê jî hate nîşandan. Lîstika ku li Şanoya Dewletê ya Wanê bi şiklê 2 seyansan hate nîşandan, Şaredarê Wanê Bekîr Kaya û Parlamenterê DTP'ê yê Wanê Ozdal Uçer jî di nav de ji aliyê gelek kesan ve hate temaşekirin. Şanoya ku hesab xwestina ji cihana zilaman û travmayên civakî yên ku jin dijîn vedibêje, li pişan ji aliyê temaşevanan bi çepikan hate pêşwazîkirin. Nivîskarê lîstika bi navê "Reşê Şevê" û derhêner Mîrza Metîn ku piştî listikê axaftina spasiyê kir, da zanîn ji bo lîstika xwe nîşan bidin berî niha serî li Şanoya Dewletê û Midûriyeta Perwerdehiya Neteweyî dane û da zanîn ku lê bi hincetên cuda destûr nedihate dayîn.

Metîn, daxunad ku piştî Midûrê Giştî yê Şanoya Dewletê daxuyand dê bikaribin lîstika kurdî li Şanoya Dewletê nîşan bidin wekî ku qenciyek be destûra lîstikê hadiye dayîn û wiha dom kir: "Ji ber ku li Şanoya Dewletê ji bo lîstika me destûr hatiye dayîn em dê ji dewletê re spas nekin. Lewre ev mafê me ye û rewşek dereng maye ye. Yanî ji bo me tiştek neguherî, dema em li salonek dawetî lîstikê nîşan didin jî em pereyê xwe didin. Dema em li Şanoya Dewletê dilîzin jî em pere didin. Yanî wekî ku bê pere nayê nîşandan, tiştekî mafê me ye dereng didin. Ev yek jî di encama têkoşîna gelê kurd de hate dayîn. Berê dest ji Şanoya Dewletê berdin, li salonên din jî li pêşberî me astengî dihatin derxistin. Niha jî nikarin vê yekê wekî qenciyekê nîşan bidin."

'Bi lîstika kurdî dewlet perçe nebû'

Parlementerê DTP'ê Ozdal Uçer ku piştî lîstikê bersiv da pirsên rojnamevanan, wiha got: "Li Şanoya Dewletê ya Wanê lîstika kurdî hate lîstin. Wekî we dît dewlet perçe nebû." Şaredarê Wanê Bekîr Kaya jî, destnîşan kir ku divê êdî ev tirsên wiha bên derbaskirin û wiha axivî: "Listikek xweza hate lîstin. Lîstikvanên navdêr di nav de nebûn. Lê eleqeya çapemeniya neteweyî hemû tiştî nîşan dide."

Li Şanoya Dewletê ya Wanê cara yekem di 1'ê hezîranê de listika bi navê "Siya Dîrokê" ya kurdî ya Navenda Çanda Mezopotamyayê (NÇM) hatibû nîşandan.

Ji DÎHA'yê hatiye girtin