Diyarname

Balyozgerê Rusyayê Andrey Gennadiyeviç Karlov li Enqereyê dema di vekirina pêşangehê de diaxivî ji aliyê kesek ve bi guleyan hat kuştin.

Cîgirê Serokê Komîteya Ewlehî û Konseya Parastinê ya Federasyona Rusyayê Frants Klintseviç piştî kuştina Karlov wisa got: "Tu şik nîn e ku kesên ew tetik kişandine îslamîst in. Tu qîmeta wê nîn e DAIŞ e yan El Nusra ye. Armanc ew e ji ber Sûriyiyê ji welatê me tolê bigirin. Di heman demê de dixwazin Tirkiye û Rusyayê bînin hemberî hev."

Di heman demê de Klintseviç gotiye ku aliyê tirk ku dîplomatê me neparastine û wisa gotiye: "Ev êrîşî piştî gelek êrîşên terorî çêbûye. Divê serwîsên eleqedar ewlehî bigirtana."

DYA'yê şermezar kir

Berdevkê Wezareta Karên Derve yê DYA'yê John Kirby li ser kuştina balyozger Karlov daxuyanî da û got ku bingeha wê çi dibe bila bibe em vê şîdetê şermezar dikin, diayên me ligel malbata balyozger in.

Foto ji Hurriyetê hatiye girtin