Diyarname
Hunermendê bi eslê xwe azerî Sami Yusuf di "Konsera Taybet a Remezanê" de li Harbiyeyê derket pêşberî hezkiriyên xwe.
Sami Yusuf li Tirkiyeyê yekemîn konsera xwe du sal berê li Feshaneyê pêşkêşî 50 hezar kesî kir, di konsera xwe ya duyem de li Şanogeha Servekirî ya Harbiyeyê bû.
Konsera ku çapemeniyê eleqeyeke mezin nîşan da de, solana konserê tije nebû. Ev yek wekî tesîra Remezanê hate nîşandayîn, lê di konserê de Sami Yusuf bi rûkenî û helwesta xwe ya jidil bal kişand û stranên xwe tevî temaşevanan stra.
Yusut bi strana "Ya Mustafa" dest bi konserê kir û ji albuma xwe ya nû û kevn stranên xwe pêşkêş kir. Strana bi îngilîzî ku gotinên wê aîdê Conner Reeves, beste aîdê wî ye ya bi navê "Without You" yekemîn car stra. Gotinên bi tirkî yên heman stranên aîdê hunermend Sezen Aksu ne û hunermend Yusuf heman stran bi tirkî û bi îngîlîzî pêşkêş kir.
Hunermend Yusuf hin stranên xwe digel lêdana piyanoyê pêşkêş kir, dûre derbasî ber sentûrê bû, bi gotina "
sentûr enstrumantaleke kevn e, ez hêvî dikim hûnê biecibînin" dest bi lêdana enstrumanê kir, piştre jî li darbûkeyê da; hem nîşan da ku dikare gelek enstrumanan bikar bîne, hem jî kêfeke cihêreng pêşkêşî hezkiriyên xwe kir.
Samî Yusuf bi koka xwe azerî li Tehrana Îranê hatiye dinyayê û niha li Îngilistanê dijî. Wî di zarokatiya xwe de ji bavê xwe dersa muzîkê girtiye, di 18 saliya xwe re bûrsa Akademîya Muzîkê ya Kraliyeta Londonê bi dest xistiye.
Ew li ser teoriya muzîkê, li ser meqamên Rojhilata Navîn xwedî agahiyên xurt e û bi şiroveya xwe ya serketî jî di serî de li Îngilistan, Ewropa û li gelek welatên rojhilat xwedî komeke mezin a hezkiriyan e. Yusuf ku di heman demê de wekî Tarkanê îslamparêzan tê nasîn li Tirkiyeyê jî xwedî komek mezin a hezkiriyan e.
Ew dema di sala 2007'an de derketibû bernameyeke Roj Tv ji aliyê çapemeniya Tirkiyeyê ve gelek hatibû rexkerinin
Foto: Cemil Oguz
Nûçeya eleqedar:
.jpg)
.jpg)
