Diyarname
Eyro maçey fînalî yê Kûpay Konfederasyonî bîbî. Di fînalde tîmê neteweyî yê Şîlî û Almanya hamey hemberê jobînî. Sere ra heta peynî Şîlî kaye kerde. Zehf rey bi goge kaykerdiş Şîlî sera 62 (yanê serê 60'î ra) bî lê kaykerdoxanê Şîlî nêşkay golêke berzê.
Almanya di deqey 20 de bi kaykerdoxê xo Lars Stindl golêke eyşte û heta peynî maçe ene golê cirê bes bî.
Kûpay Konfederasyonî hetê FIFA ra yena organîzekerdin. Armanc ew o ke verî Kûpay Cîhanî de fam bikero ka kêmasî yînan estê ya nê. Emsar qeybî Kûpay Konfederasyonî veyndabî 8 tîman û maçî Rûsya de hamey kayderdişî. Eyro bi maçey Almanya û Şîlî kûpa temam bî û Almanya bi 1-0 bi ser kewt û kûpa girote. Almanya di serey 2005'inan de di ene tûrnûva de bîbî 3'yin. Reya joyîna ke Almanya ene kûpa gêna. Almanya di Kûpay Cîhanî ya 2014'inan de kûpa girote bî.
Portekîz bî 3'yin
Qeybî rêzey 3'yinî jî tîmê Portekîz û Meksîka hamey têhet. Heta 90 deqe Meksîka 1-0 (deqe 54, gol Luis Neto) ravêr bî, di 90+1 de Portekîz ra Pepe gol eyşte û maçe bi eno hawey qediya. 30 deqey zêdey hamey karykerdişî. Portekîzî deqey 104 de penaltî girote. Adrien Silva penalti eyşte û bi 2-1 maçe girote. Bi ene joy Portekîz di Kûpay Konfederasyonî de bî 3'yin.
3 kaykerdoxê serkewtey
Di Kûpay Konfederasyonî de 3 kaykerdoxê serkewtî jî eşkera bî. Yînan de di hebî tîmê Almanya ra û ew bîn jî Şîlî ra hame weçinayişî.
Keykerkoxê alman Julian Draksler xelata Goga Zêrîne girot. Drakslerê 23 serî bi kayey xo hame weçinayişî.
Kaykerdoxê alman Tima Werner jî xelata Sola Zêrîne girote. Wernerî di tûrnûva de 3 golî eyştî bî û 2 hebî jî asîstî kerdîbî. Bi ene joy hame weçînayişî.
Qeleparêzê Şîlî Claudio Bravo jî zey qeleparêzo baş hame wezînayişî. Bravo xelatey xo Lepiko Zêrîn girot.
**
Nûçeyên eleqedar:
- Almanya û Şîlî wê ji bo Kûpaya Konfederasyonê bilîzin
- Bi 3 penaltiyan fînalîst diyar bû: Şîlî
- 4 tîmên nîv fînalîst diyar bûn
- Fînalîstên pêşî diyar bûn: Portekîz û Meksîka
- Surprîz çênebû: Her du maç jî bi 1-1'ê bi dawî bûn
.jpg)
.jpg)
