Diyarname

Li Heskîfê ji aliyê ve xirakirin çêdibe, li aliyê din kolandin didomîn û berhemên nû têne dîtin. Niha pergala binesaziya bajêr ku digihîje 3 hezar sal berê hat dîtin.

Hikumeta Tirkiyeyê bi çêkirina Bendava Ilisû dê Heskîfê di bin avê de bihêle. Herî dawî du roj berê bi dînamîtan hin zinarên li Heskîfê xira kiribûn. Lê li aliyê din xebata arkeologan a li Heskîfê jî didome. Di kolandina nû de pergala binesaziya bajêr ku digihîje 3 hezar salî hat dîtin. 

Kolandin li girika qedaxa Çemê Dîcle, li kêleka Mizgeta Keçikan û li Taxa Tarik didome. Di kolandina li kêleka Mizgefta Keçikê de ev binesazî hat dîtin. Serokê Komeleya Çandê ya Heskîfê Ahmet Akdenîz dibêje ku ev binesazî dibe aîdê hemamek be. Ew dibêje kolandinên li Heskîfê nîşanî me didin ku li vir çi şaristaniyeke delal heye. Akdenîz diyar dike ku di kolandinan de binesaziya av û kanalîzasyonê ku dîroka wê digihîje 3 hezar salan hatiye dîtin û vê lê zêde dike "Di kolandinan de her tişt derdikeve pêşberî me. Diyarbûna bi hezaran salan a vê binesaziyê ji bo Heskîfê gelek muhîm e. Li hin bajaran û li Heskîfa niha ku kanalîzasyon nîn e de em dibînin kalikên me û paşeroja me ev mesele çareser kiriye."

**

Nûçeya eleqedar:

- Bi dînamîtan Heskîfê xira dikin