Diyarname
Her sal di çend waran de Xelata Nobelê tê dayîn. Heta niha ji bo xelatgirê/a Noblê 8 mîlyon krona Swêdê dihat dayîn niha ev yek bilind kirin û derxistin 9 mîlyon kronî.
Yekem car di sala 1901'ê de Xelata Nobelê hat dayîn. Niha di warê zanist, wêje û aştiyê de xelat tê dayîn. Di sala 2011'an de buhayê xelatê 10 mîlyon kron bû lê Weqfa Nobelê ev daxistibû 8 mîlyon kronî. Niha vê weqfê biryar da ku vê diyariyê bilird bike û ji 8 mîlyon kronî derxist 9 mîlyon k ronî (li dor 1.12 mîlyon dolar).
Weqfa Nobelê li ser vê yekê got ku di rewşa malî de îstîkrar çêbûye loma wan biryareke wisa girtiye.
Serokê Weqfa Nobelê Carl-Henrik Heldin got: "Xelata Nobelê zanist, humanîzm û navneteweyîbûnê temsîl dike. Di dema ku zanîn û rastiya berbiçav di bin lêpirsînê de ye de ev nirx ji her demê zêdetir girîng in"
Mucîdê dînamîtê Alfred Nobel ji bo dayîna vê xelatê sermiyanê xwe diyarî kiribû. Weqfa Nobelê di sala 1900'î de hat avakirin û ew vê pereyî bi rê ve dibin. Ji vî pereyî jî her salê xelatê didin ku yekem car di sala 1901'ê de dan.
Serketiyên Nobelên 2017'an ji hefteya pêşiya me ve bêne eşkerekirin. Ev pereyê lê hatiye zêdekirin dê bidin wan