Diyarname
Piştî xelatên Nobelê yên Fîzîk, Tip û Kîmyayê Xelata Nobelê ya Wêjeyê jî hat eşkere kirin. Nivîskarê îngilîz bi eslê xwe japon Kazuo Ishiguro layiqê vê xelatê hat dîtin.
Sekreterê Daimî yê Akademiya Swêdê Sara Danius bi van gotinan qala nivîskarê xelatgirt kir: "Mirov komediya Jane Austen û kûrahiya wê ya pîsîkolojîk, ligel Kafka têkilhev bike jê Ishiguro derdikeve."

Pirtûkên wî bûn fîmên sînemay
Kazuo Ishiguro di 8'ê sermaweza 1954'an de li Nagasakî hatiye dinê, di 5 saliya xwe de ligel malbata xwe li Îngilistanê bi cih bûye. Ew li Guildford/Surrey mezin bûye, li  Canterbury perwerdehiya îngilîzî û felsefeyê xwendiye. Paşê wî li University of East Anglia lîsansa nivîskariya afirîner a bilind kiriye. Di sala  1982'yan de bûye hemwelatiya Îngilistanê. Ishiguro zewiciye, keçek wî heye û ligel wan li Londonê dijî.
Herî zêde pirtûka wî "The Remains of the Day" (Bermayiyên Rojê) tê zanîn ku di sala 1989'an de nivîsandiye û ev pirtûk bi heman navî di sala 1993'yan de kirine fîlm. Di fîlm de  Anthony Hopkins û Emma Thompson lîstibû.

Xelata Man Booker girt
Pirtûka wî "Never Let Me Go" (Qet Dest ji Min Bernede) di sala 2005'an de derket û di sala 2010'an de ev jî bû fîlm. "Never Let Me Go" di lîsteya 100 romanên herî serketî yên îngilîz ku kovara Time amade kiribû de cih girt. Kazuo Ishiguro, bi romana xwe heman salê xelata  Man Booker girt.
Pirtûkên din ên nivîskar ev in:
- A Pale View of Hills (1982)
- An Artist of the Floating World (1986)
- The Unconsoled (1995)
- When We Were Orphans (2000)
- Never Let Me Go (2005)
- The Buried Giant (2015)
Nivîskarê îngilîz dê ligel xelata Nobelê 1.1 mîlyon dolar pere jî bigire. Roja 10'ê berfanbara 2017'an bi merasimek dê xelat bê dayîn.
Par Bob Dylan par Xelata Nobelê ya Wêjeyê girtibû.

Nobelên din
Berî çend rojan sê xelatên din ên Nobelê jî hatin eşkere kirin. Ew jî bi vî rengî ne:

Xelata Kîmyayê
Îsal Xelata Nobelê ya Kîmyayê dabûn Jaques Dubochet ê swîsreyê, Joachim Frank ê DYA'yî ku li Almanyayê hatibû dinê, û Richart Henderson ê îngilîz. Wan li ser mîksoskopîya kriyo elektron xebat kiribû. Akademiya Nobelê ragihand ku bi vê xebatê biyomolekul hê baştir têne dîtin û ev yek di qada biyokîmya de serdemek nûye.

Xelata Tibê
Xelata Tibê dan zanyarên ji DYA'yê  Jeffrey Hall, Michael Rosbash û Michael Young. Her sê zanyar li ser rîtma vicûdê xebitîne û ji ber vê yekê hatine xelatkirin. Akademiyê wisa got: "Van zanyaran li ser rîtma biyolojîk ya nebat, sewal û mirovan xebat kiriye û bi vê yekê nîşan didin ku bi vê li ser riyê dinê ew çawa xwe li guherîna bingehîn tînin."

Xelata Fîzîkê
Xelata Fîzîkê dan Barry Barish, Kip Thorne û Rainer Weiss li ser pêlên erdkêjê xebat kirine.