Diyarname
Serokwezîrê Spanyayê Mariano Rajoy piştî ku Parlemena Katalonyayê biryara serxwebûnê ragihand got ku wan hikumeta Katalonyayê ji peywirê girtiye, peywirên rêveberiya Katalonyaya xweser jî dê wezîrên hikumeta navendî pêk bînin.
Her wiha Rajoy got ku ewê şefê polîsên ê Katalonyayê jî ji peywirê ibgirin.
Serokwezîrê Spanyayê Rajoy li ser rewşa nû ya Katalonyayê got ku wan dawî li xweseriyê neaniye, lê dê li Katalonyayê hilbijartina pêşwext çêbikin ku roja çêkirina vê hilbijartinê jî wekî 21'ê berfanbarê diyar kirine.

Katalonyayê serxwebûn ragihandibû
Îro Parlemena Katalonyayê bi dengên 70 mebûsên xwe biryara serxwebûnê ragihandibû. Piştî vê yekê Senatoya Spanyayê li hev civiyabû û biryar dabû ku Hikumeta Madrîdê Katalonyayê bi rê ve bibe.
Li Spanyayê di van waran de dadgeh xwedî biryar e, tê gotin ku dê Dadgeha Bilind a Spanyayê dengdana li Parlemena Katalonyayê wekî "derveyî zagonê" qebûl bike û dengdanê betal bike.
Di vê navberê de Rajoy twettek weşand û ji hemwelatiyên Spanyayê xwest ku aram bin, dewleta hiqûqî ya Spanyayê dê li Katalonyayê zagonan bîne cih.

**

Nûçeya Eleqedar:

- Katalonyayê serxwebûna xwe ragihand

-

-