Diyarname
Li Îngilistanê van deman hikumet difikire ku di market û dikanan de cixareyan ji refan rake û destûrê bide tenê cihên ku naxuye bêne firotin.

Hate gotin ku li ser vê yekê hikumetê dest bi xebatê kiriye. Bi vê yekê hikumet dike ku kişandina cixareyêkêm bike, bi taybetî jî pêşî li destpêkirina cixareyê ya ji aliyê zarokan ve bike. Her wiha dê li ser makîneyên ku di pub û restorantan de cixare difroşin jî qontroleke pêk bîne.
Di vî warî de hikumet difikire ku bi rêya anketan serî li fikrên gel bide. 
Wezîrê Tenduristiya Gel Dawn Primarolo got ku tişteke muhîm e ku mirov pêşî lê bigire ku zarok cixareyê nekişînin û wiha dom kir: "Ger ji bo vê yekê pêdivî pê hebe ku hemû qaxizên cixareyê bêwêne û sipî be, yan ji ber çavan, ji refan bên rakirin be jî dîsa ezê bikim."

Ji bo ku dev ji cixareyê bê berdan, ger pêdivî pê hebe dê benîştên bi nîkotîn yan jî bandên nîkotînin jî bêne firotin.