Diyarname
Beşeke girîng e beşa belgefîlman a Festîvala Fîlman a Stenbolê. Festîval bi piştgiriya NTV vê beşê her sal amade dike û ji dinyayê belgefîlmên xelatgir, yên balkêş tîne. Îsal di vê beşa "NTV Belgesel Kuşagi" de 13 belgefîlm hene ku me hin ji bo we neqandin:

"Football İnfinite / Sonsuz Futbol"
Yek ji sînemaya hemdem a romen derhêner Corneliu Porumboiu di vê belgefîlmê de bala xwe dide fûtbolê ku bala dinyayê li ser e. Di fîlm de Porumboiu ligel lîstikvanê kevn û burokratê nû Laurentiu Ginghina diaxive. Ginghina di salên 80'yan de dema fûtbolê dilîze lingekî wî dişikê û dest ji fûtbolê ber dide lê niha ji xwe de dibêje "şoreşgerê fûtbolê" lewre dixwaze di fûtbolê de gelek tiştî biguherîne. Ji fûtbolê heta Yekîtiya EWropayê, hêvî, guherîn û helbet fûtbol bixwe mijara belgefîlm e.
Derhêner: Corneliu Porumboiu / 70 deqe

"My Generation"
Bi vegotina lîstikvanê efsanewî yê îngilîz Michael Caine temaşevan diçin salên 1960'an... Pola karkeran, çanda populer... Ligel dîmenên arşîvî kesên bi wekî Paul McCartney, Marianne Faithfull, Twiggy û Mary Quant, bi sembolan guherîna pergala çînê ya Îngilistanê nîşan dide. Belgefîlmê ku li Festîvala Fîlman a Venedîkê hat nîşandayîn, ji moda heta sînema, ji muzîkê heta siyasetê û tiştên din ên aîdê salên 1960'an bi ser portreyê re nîşan dide.
Derhêner: David Batty / 85 deqe

"Mrs. Fang"
Belgefîlmê "Xanim Fang" ji aliyê yek ji derhênerê jîr ê çînî Wang Bing ve hatiye kişandin. Belgefîlm li Festîvala Locarno Xelata Leopara Zêrîn girt. Derhênerê li başûrê Çînê berê kameraya xwe dide jinek nexwez a li nav nivînan. Xanim Fang li gund ji ber nexweşiya Alzheimerê li sekeratê ye. Derhêner temaşevanan dibe ber çîroka Xanim Fang ve.
Derhêner Wang Bing / 86 deqe

"Theatre of War"
Neyarên berê bi heman li heman cihî ligel hev bimînin dê çawa be? Belgefîlmê "Theatre of War" (Şanoya Şer) leşkerên brîtanî û arjantînî ku di şerê Falkland/Malvinas de li hemberî hev şer kiribûn tîne ba hev. Ev neyarên berê bi mehan ligel hev dimînin, piştî 35 salan ê vî şerî bi hev re wê demê nîqaş dikin û wekî lîstik dilîzin. Di wî şerî de ji her du aliyan bi ser hezar kesî de miribûn. Belgefîlm îsal pêşî li Festîvala Berlînê hat nîşandayîn û niha li Stenbolê ye.
Derhêner: Lola Arias / 83 deqe

Û belgefîlmên din ku di vê beşê de têne nîşandayîn:
- Vedasiz / Sans Adieu
- Greenawa Alfabesi / The Greenaway Alphabet
- Parsel 35
- Antonio Lopez 1970
- Makala
- Baba / Abu
- Ramen Ustatlari / Ramen Heads
- Coby
- İyi Kişlar / Boun Inverno

**

Nûçeyên Eleqedar:

- Bernameya festîvalê hat eşkerekirin: 210 fîlm hene 

- Ji bo qerta çandî nêzî 115 hezar xwendekarî serî lê da 

- Pelin Esmer bû seroka juriyê 

- Ji bo 100 saliya Bergman guldesteyek ji fîlmên wî 

- Xelatên Rûmetê yên Festîvala Stenbolê diyar bûn 

- Festîvala Stenbolê li benda fîlmên we ye