Diyarname
Nivîskar Salihê Kevirbirî hin jê çapa duyem, hin nû çar pirtûk bi hev re derxist ("Filîtê Quto", "Qêrîna Sedsalekê Karapête Xaço", "Teyîba Min", "Hevîrtirş"). Ji bo van çalakiyeke li dar ket.

Çalakî li Stenbolê, li Kurt-Kavê li dar ket. Beşeke çalakiyê gotûbêjeke bû ku li ser nivîskariya Salihê Kevirbirî bû, beşa din jî kokteyla danasîna van pirtûkan îmzekirina pirtûkan bû.
Di guftûgoya ku li ser nivîskariya Salihê Kevirbirî pêk hat de nivîskar Ali Fikri Işik û helbestvan Kawa Nemir wekî axifger beşdar bûn.
Nivîskar Işik li ser rojnamegerî, şanogerî û nivîskariya Salihê Kevirbirî axifî û da zanîn ku Kevirbirî bi şêwaya ku pê dinivîse derketiye pêş. Işık her wiha pesnê nivîskarî û zimanê Kevirbirî jî da.
Helbestvan Nemir jî got ku ewê fotografê salên 1990'î pêşkêş bike û di wir de qala Salihê Kevirbirî jî bike. Nemir qala serdema kovara Rewşenê, nivîkarên ku ji vê serdemê derketine kir û di heman demê de da zanîn ku Kevirbirî wê demê nivîsên xwe dianî Rewşenê û wan diweşandin.
Her wiha Nemir qala nivîskariya Salihê Kevirbirî ya di Azadiya Welat, Rewşen û ya li dû re jî kir.

Piştî gotûbêjê nivîskar Salihê Kevirbirî ji bo xwendevanên xwe pirtûkên xwe îmze kir.