Diyarname
Piştî girtina DTP'ê ya ji aliyê dadgehê ve îro mebûs û rêveberên DTP'ê li hev civiyan û ev biryar girtin: Mebûsên DTP'ê dê beşdarî xebatên meclisê nebin.

Piştî civînê Hevserokê DTP'ê Ahmet Turk ji bo çapemeniyê axivî. Turk got, dibe ku ev cara dawî be em bi we re ne, du sal û nîv in em bi hev re xebitîn, me fikrên xwe bi rêya we ragihandin çapemeniyê.

Turk got: "Biryara ku Dadgeha Zagona Bingehîn girtiye ne hiqûqî siyasî ye. Piştî vê yekê koma me bi awayekî fiîlî ji meclisê vekişiya ye û dê beşdarî xebatên li meclisê nebe."

Ahmet Turk got ku xwîn bi xwînê nayê şûştin miheqeq divê bi ava paqij bê şûştin. Divê em ji bo aştiyê hewl bidin. Me ji bo hev hembêz bikin xebat kir. Îro em dinêrin yên ku aştiyê wekî cudaxwaz hatin îlankirin. Ji bo em xwe biparêzin ez nabêjim, hemû axaftinên ku heta îro me kirin, ji bo ku 'çek nebe rêya li mafê gerînê'. Di tenê axaftineke me de jî me ne gotiye ev kar bi şîdetê çêdibe. Dadgeha Zagona Bingehîn bi biryareke siyasî, bi biryareke ku statukoyê diparêze, derbe li baweriya me ya aştî û biratiyê da. Ev ne biryareke hiqûqî ye. Divê baş bê dîtin ku ev biryareke siyasî ye.

Turk got ku Leyla Zana ne avakara vê partiyê ye, ji bo piştgiriyê navê xwe li vê partiyê nivîsî. L iser daxwaza Serdozgerê Yargitayê me navê wê jê bir lê di nav kesên cezaya siyasî hatiye dayîn de Leyla Zana jî heye. Endamên Dadgeha Zagona Bingehîn gotin di biryardayînê de me bi hûrbînî li meseleyê nêrî, lê ev mînak tenê jî nîşan dide ku wan çiqas bi hûrbînî li meseleyê nêriye. Siyaset valiyê naxwaze. Ji niha û şûn de jî emê wê demokrasiyê bidomînin.

Turk di dawiyê de wisa got: "DTP hat girtin. Ez naxwazim bikevim nav sedemên hiqûqî. Helbet li Tirkiyeyê bê nîqaşkirin. Em qîmetê didin siyaseta demokratîk. Koma me bi awayekî fiîlî ji xebatên parlemenê vekişiya ye, wê beşdarî xebatên meclisê nebe."