Diyarname
Vê sibê li 8 bajaran li hemberî BDP'yiyan operasyona binçavkirinê hate dest pê kirin. Şaredarê Cizîrê Aydin Budak, Şaredarê Sêrtê Selim Sadak, Şaredarê Kayapinarê Zulkuf Karatekin, Şaredara Wêranşarê Leyla Guven, Şaredarê Sirûcê Ethem Şahin, Şaredarê Çinarê Ahmet Cengiz, Şaredarê Qoserê Ferhan Turk, Şaredarê Sûr Abdullah Demirbaş hatin bin çavkirin.
Her wiha Şaredarê berê yê Wêranşarê Emrullah Cin, Şaredarê Berê yê Batmanê Huseyîn Kalkan, berdevkê  Kongreya Civaka Demokratîk Hatip Dicle, serokê berê yê DTP'a Amedê Firat Anli, Serokê ÎHD'ya Amedê Muharrem Erbey, Cîgirê Şaredarê Bajarê Mezin ê Amedê Ali Şimşek jî hatine binçavkirin.

Heta niha li bajarên wekî Amed, Sêrt, Riha, Mêrdîn, Şirnex, Batman, Stenbolê û Îzmîrê 31 kes hatine binçavkirin.