Diyarname
Pirtûka çîrokan a Receb Dildar bi navê "Şikefta Xwekuştinê" ji Weşanên Avestayê derket.

"Şikefta Xwekuştinê" ji 20 çîrokan pêk tê; çîrok bi zimanekî sade û şahîk hatine nivîsandin. Di çîrokan de temayên jiyana rojane ya salên dawî ku li bajaran derbas dibin, bi gelek sûretên xwe hatine hûnandin.

Receb Dildar bi helbestên xwe hatibû nasîn û pirtûkeke wî ya helbestan bi navê "Kewê Canê" hatibû weşandin jî. Ew niha bi çîrokên xwe derket pêşberî xwendevanan. Çîrokên nivîskar Dildar heta niha di gelek kovaran de hatibûn weşandin û çîrokên ku di vê pirtûkê de cih girtine jî hin ji wan in.
Di pirtûkê de çîrokên bi navê "Bîhna axê", "Bişar", "Çavên li ser darê", Cêwikên Pîrozê", "Dayê ji min re hinarekê bîne", "Dilketiyê Gola Hezarê", "Evîna Kulîlkê", "Ez kekê te me", "Helbestên Sosinê", "Îd", "Ji bo kovarekê", "Lawikê gille", "Min bêriya seydayê xwe kiriye", "Qolç", "Qumar", "Refa Şîn", "Şaxên şikestî", "Şeva hinne", "Şikefta xwekuştinê", "Veger" cih girtine.

Nivîskar Receb Dildar di sala 1958'an de li Amedê hatiye dinyê. Xwendegehên pêşîn û navîn li Amedê ya mamostatiyê li bajarê Kirşehirê xwendiye. Ji ber xebatên siyasî bi qasî çar salan di Girtîgeha Amedê de maye. Heta niha di gelek kovar û malperên kurdî de gotarên wî hatine weşandin. Heta niha bi navê "Kewê Canê" pirtûke wî ya helbestan derketiye û wî romana Seyit Alp bi navê “Dewran” wergerandiye kurdî. Her wiha Dildar heta niha di pêşbaziyên çîrokan de çîrokên wî bûne yekemîn.