Diyarname
Serokê Federasyona Firinkaran Halil İbrahim Balci da zanîn ku ev du sal in digel ku lêçûyîn zêde bûye jî wan buhayê nan zêde nekiriye û ev yek lê zêde kir: "Di sala 2010'an de dê sedî 10-15 zem li buhayê nan bê kirin."

Li gor nûçeya rojnameya Bugunê Balci gotiye ku di sektorê de di salên dawi de zehmetî hene û wisa gotiye: "Esnafên nanpêj bi gelek pirsgirêkan re rû bi rû ne. Digel van yekan jî naxwazin buhayê nan zêde bikin. Di du salên dawî de kîloya nan derketiye 2.5 lîra. Esnafên nanpêj naxwaze bi buhayê zêde nan bifroşe. Firinkar divê tenê bi buhayê nan neyên bibîranîn. Firinkarên me derdê wan di heman demê de hijyen e lê bi buhayê nan dikevin rojevê. Ev yek me aciz dike. Ji bo ku zema li nan di bin sedî 15'an re be em dixebitin. Herhal di meha reşemiyê de wê zem li buhayê nan bê kirin."

Di warê buhayê nan de jî li gelek bajaran buhayên cihê hene. Li hin bajaran nanê bi 300 gramî bi 30-40 qiruşê tê firotin, li hin bajaran bi 75, li hinan jî bi 1 lîrayî.