Diyarname

Berendamê Serokatiyê Selahattin Demîrtaş ku li Gîrtîgeha Edîrneyê girtiye bi rêya telefonê bangî hilbijêrên xwe kir: Dengê xwe bidin xwe.

Li dinyayê yekemîn car berendamekî serokomariyê bi telefonê mîtîngê çêdike û bangî gel dike. Demîrtaş ku girtiye, ligel zagonan jî bernadin û nikare xwe bigihîne hilbijêrên xwe vê carê serî li rêyek din da: Li Tirkiyeyê her girtî mafê wî/ê heye ku 10 deqe bi telefona li girtîgehê bi maliyên xwe re biaxive. Demîrtaş ev mafê xwe îro ji bo hemû hilbijêr û hezkiriyên xwe bikar anî. Demîrtaş bi telefonê ligel hevjîna xwe Başak Demîrtaş dest bi silavdayînê kir û dûre ew deng bi ser tora civakî de bi awayekî zindî ragihandin hemû hezkiriyên wî.

Demîrtaş di kurteaxaftina xwe de wisa got: "Tirkiye bi temamî kirine girtîgeha ser vekirî. Bi vê yekê dixwazin împaratoriya tirsê ava bikin. Lê karê dewletê ne tirsandina hemwelatiyan, karê wê xizmetkirina ji bo hemwelatiyan e."

Demîrtaş got ku ligel ku dest û lingên min girêdayîne her roj buxtanan li min dixwin, kampanyaya buxtanan li dar dixin. Demîrtaş got ku em dikarin jiyaneke nû bi hev re ava bikin, îro ne roja bêhêvîbûn, tirsê ye û wiha dom kir: "Ez li vir li nav çar dîwaran im lê ez dizanim ku Demîrtaş niha li nav erdan çandinî dike, findiqan koml dike. Demîrtaş niha li kargehên madenê ye, li atolyeyan e, li dersê ye, li anfiyên zanîngehan e, li qadan e. Ew ji kar hatiye avêtin betal e, feqîr e Demîrtaş. Demîrtaş ciwan e, jin e, zarok e. Ew tirk e, kurd e, çerkez e, pomak e, boşnak e, ewelî ye, sunî ye û mipeqeq bi hêvî ye, bi coş e. Ew li govendê ye, li horonê ye Demîrtaş."

Demîrtaş di dawiyê de gotin dengek bidin Demîrtaş û yek bidin HDP'ê û silavên xwe ji bo her kesî şand.