Diyarname

Festîvala Muzîkê ya Navneteweyî ya Stenbolê îsal di 21 çalakiyan de 600 muzîkarî digel hunera wan dike mêvanê muzîkhezan.

38’emîn Festîvala Muzîkê ya Navneteweyî ya Stenbolê îsal di navbera 3 - 30’yê pûşperê de li dar dikeve. Festîvala ku ji aliyê ÎKSV (Weqfa Çand û Hunerê ya Stenbolê) ve tê organîzekirin, sponsoriya wê Borusan Holding dike. Ji bo pêşkêşkirina bernameya festîvalê bi beşdariya Serokê Lijneya Rêveberiyê ya ÎKSV’ê Bulent Eczacibaşi, Seroka Lijneya Rêveberiyê ya Çand û Hunerê ya Borusanê Zeyneh Hamedî û Dîrektora Festîvala Muzîkê ya Stenbolê Yeşim Gurer Oymak civîneke çapemeniyê li Four Seasons Hotel Istanbul at the Bosphorus de hate li dar xistin.

Eczacibaşi di axaftina xwe de qala çîroka 38 salên festîvalê kir û got: “Ev festîval bi kamilbûna xwe ya ku gihîştiye 40 salan, bi nêzîkbûna nûbûniyete û bi heyecana xwe ya ku tu demê winda nekiriye bernameyeke dewlemend pêşkêş dike. Festîval ji kevneşopiyan xwe têr dike, cih dide jîrekiyên nû û muzîkarên ciwan, ji Tirkiye û derveyî welat projeyên jîr ên hunermendan tîne ba hev, navên girîng ên muzîka klasîk tîne Stenbolê.”

Di festîvala îsal de muzîkarên navdar Arvo Part, Lang Lang û orkestraya girîng a muzîka klasîk Filarmoniya Viyanayê jî têde ji Tirkiye û derveyî Tirkiyeyê li dor 600 hunermendî wê bibin mêvanên festîvalê. Festîval di bernameya xwe ya muzîkê ya dewlemend de wê îsal orkestrayên senfoni û yên ode, konserên vokal, muzîka ode, resîtal û lêanînên cazê, bi giştî wê 21 çalakiyên muzîkê bêne pêşkêş kirin. Îsal digel Muçeya Aya Îrînî, Muzeya, Arkeolojî, Çinili Koşk û Operaya Sureyya, wê li Navenda Kongre ya Halîçê jî konser bêne pêşkêş kirin.

Di festîvalê de îsal Xelata Rûmetê wê bidin bestekar, muzîkolof û teorîsyen Yaltin Tura, Xelata Serketinê ya di Hemû Jiyanê de jî wê bidin bestekarê muzîka hemdem Arvo Part. Arvo Part ku wekî Mozartê dijî tê nasandin, yek ji bestekarên herî mezin ê dijî ye wê 7’ê pûşperê berî konsera Koroya Ode ya Filarmonik Estonyayê bigire. Kom wê promiyera dinyayê ya berhema bi navê “Gazina Adem” a Arvo Part pêşkêş bike.

Festîval 3’yê mehê li Muzeya Aya Îrînî bi konsera Orkestraya Filarmonî ya Stenbolê ya Borusanê ku şeftiya wê dê Gurer Aykal bike dest pê bike. Orkestra wê berhema “Ji Anatoliyê” ya bestekar Yalçin Tuna pêşkêş bike.

Ji festîvalê hin mînak

Ji ber 200’emîn salvegera rojbûna Chopin û Schumann û 75’emîn salvegera rojbûna bestekarê mezin ê serdema me Arvo Part mijara bingehîn a festîvalê li ser van her sê bestekaran e.

Di van konseran de konsera “Gazina Adem” a Arvo Part ku promiyera xwe ya dinyayê dike wê bibe konsereke dîrokî. Berhem dibin şeftiya Tonu Kaljuste de bi Orkestraya Filarmonî ya Stenbolê ya Borusanê bê pêşkêşkirin. Her wiha Koroya odeyê ya Filarmonîk a Estonyayê ku berhemên Part gelek baş şirove dikin û xelata Grammy girtiye û Voks Clamantis wê di konserê de cih bigirin.

Yek ji piyanîstên navdar Radu Lupu, di bin şeftiya Rengim Gokmen de bi Orkestraya Senfonî ya Dewletî ya Stenbolê wê derkeve ser dikê û di 200’emîn salvegera Schumann de konçertoya pîyanoyê ya Schumann pêşkêş bike. Konser 5’ê pûşperê wê li Muzeya Aya Îrînî li dar bikeve.

Lang Lang ku li dinyayê albumên di lîsteya muzîka klasîk û muzîka popê de cihê xwe herî jor digirin yek ji girîngtirîn hunermend e ku beşdarî festîvalê dibe. Lang Lang 10’ê pûşberî li Navenda Kongreyê ya Halîçê tivê Orkestraya Filarmonî ya Stenbolê ya Borusanê konserê bide. Ev konser ji bo bîranîna Şakir Eczacibaşi wê li dar bikeve.

Orkestraya Filarmonî ya Viyanayê ku 160 salan wekî kevira werçerxê û kevneşopiya muzîka Ewropayê ye di bin rêberiya şeftiyê ya Riccardo Mutî de wê 23’yê pûşperê derkeve pêşberî muzîkhezên Stenbolê.

Du piyanîstên ciwan Ayşe Deniz Gokçin û Furkan Yazici bi projeya “Rojbûna Te Pîroz Be Chopin” berhemên hunermend pêşkêş bikin.Vîrtuoza piyanoyê Zeynep Uçbaşaran ku li derveyî welat hatiye nasîn wê “Romantîzma Chopin” bi solo piyanoyê pêşkêş bike.

Gotûbêjên 'Ber bi konserê ve'

Di festîvalê de gotûbêjên “Ber bi konserê ve” jî wê li dar bikeve û di van gotûbêjan de wê hunermend bersiva pirsên mêvanên ên li ser muzîka klasîk, bersiva tiştên ku ew meraq dikin bidin. Di van gotûbêjan de muzîkar Cem Mansur, Gulsin Onay, Antonio Meneses, Kiril Troussov, Ayşe Deniz Gokçin, Atilla Aldemir, Orhan Çelebi, Fora Baltacıgil, dîsa ji tekane kovara muzîkê ya Tirkiyeyê “Andante” nivîskarên kovarê Serhan Bali û Aydın Buke amade bin.

Bilêtên konseran di navbera 20- 300 TL’yî de têne firotin. Di 17’ê vê mehê de wê dest bi firotina bilêtan bê kirin.

***