Diyarname

Wekî her hefteyê îro roja çalakiya rûniştinê ya Dayikên Şemiyê bû. Cudatiya îro ew bû ku 700'emîn hefte bû ku dê dîsa li ber Lîseya Galatasaraya Beyogluyê rûniştana û daxwaza agahiyan ji windayên xwe bikira. Ji bo vê yekê dîsa li ÎHD'ya Stenbolê hatin ba hev, bi qurnefîl û wêneyên xizmên xwe yên winda ber cihê rûniştinê vê çûn. Lê ji zûde hêzên ewlehiyê ber lîseyê û ber YKY'ê girtibûn jî. Hêzên ewlehiyê yên dewletê nehiştin ew çalakiya xwe çêbikin û ew girtin bin çavan. Li gor gahiyên destpêkê 23 kes hatine binçavkirin. Lê tê gotin ku hejmara binçavkirinan zêdetir e.

Mebûsê CHP'ê Sezgin Tanrikulu got ku bi fermana Wezîrê Karên Hundir çalakî hatiye qedexekirin û ew hatine binçavkirin. 

Li aliyê din li Odakuleyê û aliyê Taksîmê polîsan pêşî li kesên ku dixwazin herin qadê girtin. Polîsan bombeyên çavsotîner bikar anîn. Beşek ji dayikan ku di nav de Seroka ÎHD'ya Stenbolê Gulseren Yoelrî û Hevseroka HDP'ê Pervin Buldan hene dij polîsan derketin...

Ligel her tiştî Hevserokên HDP'ê Pervin Buldan û Sezaî Temellî, mebûsên HDP'ê Huda Kaya, Serpil Kemalbay, Garo Paylan, Ayhan Bilgen, Ahmet Şik, Saruhan Oruç, Erkan Baş, mebûsên CHP'ê Sezgin Tanrikulu, Onursal Adiguzel û Ali Şeker ligel komek ji dayikan xwe gihandin qadê.

Hevseroka HDP'ê Pervin Buldan li vir axivî û got: "Heta windayên me bêne dîtin, windayên kiryar nediyar eşkere bibin, heta kujerên van kuştinan derkevin holê dê têkoşîna me bidome.!

Seroka ÎHD'ya Stenbolê Gulseren Yolerî jî axivî û ev êrîşa polîsan şermezar kir.

Di vê navberê de kesên li Hazzopola hatibûn cem hev, kesên li derên din dixwestin xwe bigihînin qadê hatin astengkirin. 

Di dema axaftin hatin kirin jî êrîşa polîsan dom kir. Hin mebûsên HDP'ê li pêşberî TOMA'yê rûniştin. Girseyê bi diruşmeyan êrîş şermezar kir.

Heta vê kêliyê jî xirecir didome. 

***

Berêvarkî beşek ji kesê hatibûn binçavkirin hatin berdan. Nêzî deh kesan hê di bin çavan de ne û îfadeyên wan tê girtin. Hêvî ew e ku hemû bêne berdan. (Ev not paşê li nûçeyê hatiye zêdekirin)