Diyarname
Kovara Vate bi hûmara xo ya 57’inan silam da wendoxanê xo. Vate henî erey bo jî hûmarey xo ya amnanî resna verê destê wendoxanê kirmanckî.
Ene Vate ya newî bi nuşteyê nuştox û kedkarê ziwan û kulturê kirmanckî Munzur Çemî dest pêbena. Nuşte de behsê herêmêda (mintiqayêda) Spanya Endulusî beno. Çem, nê hamnanê demêk ê cayan ra gêrayo, ey gelek çîyê dîyî û vînayî û tayê çimeyanê nuştekîyan ra zî ewnîyayo. Dima tarîx, kultur, Malaga, Picasso, Elhemra, dansê flaminco, turîzm û gelek çîyanê bînan ser o, bi yew ziwanê sivik û weşî nuşteyêde înformatîf nuşto.
Na hûmare de nuşteyê balkêşî yê bînî zî estî. Eke bêro vîrê şima çend hûmaranê Vateyî yê verênan de derheqê tayê kar û gureyanê xaman de nuşteyî weşanîyabîyî, mavajî ramitiş û hasilkerdişê tutinî, kar û barê weyekerdişê rezan ûsn. Na hûmara de zî Mehmet Topalî derheqê senet û meslegêde zaf kanê welatê ma de yew xebate kerda. Mehmet Topal viraştişê “cilanê heywananê barî” ser o xebîtîyayo. O verê derheqê nê karî de tayê zanayîşê tarîxî dano, dima heme merhaleyanê viraştişê nê karî yew bi yew îzeh keno. Semedo ke nuştox bi xo zî nê karî zano, na babete ser o gelek detayanê zaf hurdîyan ser o zî vindeno. Heme malzeme û hacetanê nê karî, tewir bi tewir cilanê barî û xususîyetanê înan yê muhîman, senetkaranê namdaran yê derûdora Dîyarbekir, Riha û sewbîna gelek çîyanê bînan hem nuseno û hem zî bi fotografanê gelek weşan musneno ma.
Nuşteyê bînî yê na hûmare nê yê: Mutlu Canî roportajêde kilmek ke kovara Psycology Kurdî ya ke kurmanckî vejîyêna, M. Malmîsanijî reyra kerdo, çarnayo kirmanckî ser.
Seyîdxan Kurijî hîkayeyêda bi nameyê “Payîzê Merdiş Zor o” nuşta.
Xeynî eniyan, Aydin Batur, Welat Ramînazadî, Pinar Yildiz, B. Şîlanî bi niştey xo, MM, Pinar Yildiz û Akman Gedîkî jî bi şiîrê xo kocare de ca girotê.
ra nusîyay.