Diyarname
Kovara pirtûk, çand û hunerê Kund bi hejmara xwe ya 3'yan li pêşberî xwendvanên xwe ye.

Kovara Kundê di hejmara xwe ya 3'yem de li ser çîroknivîskar, wênesazê kurd Ferhad Pîrbal dosyayek amade kiriye. Di dosyayê de gelek nivîsên li ser Pîrbal û berhemên wî yên nivîskî hene ku ew bi xwe zêdetir bi pirtûkên xwe hatibû nasîn. Lê aliyê wênesaziya wî kêm maye ku li ser wî alî jî tiştin heba dê baş ba. Bi rêzê di dosyayê de Şukran Yaguz "Jin, îqtîdar û cinsîtî", Ronya Bewran "Femme Fataleên ku Ferhad Pîrbarî Afirandine", Evdal Baqî "Şêx Sen'anekî Postmodern: Mihemedê Hacîzade", Burhan Tek "Don Kîşotek li Hewlêrê", Bajar Mîrzeman "Erkên diyalogan di du romanên Ferhad Pîrbal de", Umran Aran "Ti lu deran nasitirin", Xelîl Semed "Xinc û tolhildan", Aram Rifet "Helbestkarekî Surreal li nav Komelgeyeke Surreal" û Çetoyê Zêdo "Ferhad Pîrbalê min ê ku li ber bayê Bakur û Başûr ketibû" nivîsiye.

Ji nivîsên din Berken Bereh bi navê "Helbest û Helbestvan", Recep Dildar jî meseleya "Galegalên Şaneşînê" nivîsek nivîsandiye.
Ji hevpeyvînan Xelîl Semed jî ligel Îrfan Amîda li ser romana wî ya nû "Şefa Şîrozrenîk" hevpeyvînek kiriye. Di kurtehevpeyvînê nasandinê de jî kovarê ligel weşanger û edîtorê Weşanên Nayê Berfo Barî, ligel sehafê gerok Lezgîn Kitêbçiyan û ligel xwediyê dara Production Dara Porxelek li ser xebatên wan hevpeyvîn kirine û ew dane nasîn.

Her wiha Ciwanmerd Kulek, Mîxaîl Mîxaîlovîç Baxtîn (bi wergera Umran Aran), Berfîn Huseynî, Arjen Arjen, Vecdî Demîr, Fethullah Ozmen, Salih Agir Qoserî, Abdullah Çifçiler, Rêdûr Dîjle, Amed Tîgrîs, Gernas Nenas, Nanoziko, Berfê, Qedrî Sîpanî, Lehî, Mistefa Dogan, Mistoyê Haco, Umran Aran bi nivîsên xwe, Sylvia Plath (bi wergera Felek Baran) û Guzel Efe bi helbestên xwe di vê hejmara kovarê de cih girtine.
Kovar ku dê her hejmarê dosyayek amade bike di hejmara  hejmara çaran dê li ser Celadet Elî Bedirxan dosyayê amade bike û yên bixwazin heta 20'ê berfanbara 2018'an dikarin ji kovarê re nivîsên xwe bişînin.

Ji bo xwestin û têkiliyê:
kovarakund@gmail.com