Diyarname

Endamên koma navdar U2 Bono li Ludwig Maksimilians-University emeliyet bû. Dihat gotin ku ji ber vê wê konserên U2 bêne betalkirin ku yek ji wan konseran jî konsera Stenbolê bû. Hate ragihandin ku konsera Stenbolê nehatiye betalkirin. Li Stenbolê 6’ê rezbera 2010’an de wê U2 li Stata Olîmpiyatê ya Stenbolê konsera xwe pêşkêş bike.

Endamê komê Bono di 21’ê vê mehê de ji ber nexweşiya di navmilê xwe de rakirin nexweşxaneyê û ew emeliyet kirin. Bono ku emeliyeta wî baş derbas bû wê 8 hefteyan bêhna xwe bide û serdema rehabîliteya xwe temam bike. Ji ber vê yekê tûrneyên U2 yên di mehên pûşper û tîrmehê de ku wê li Amerîkayê li dar biketa ji bo sala 2011’an bi paş ve hatin xistin. U2 wê 3’yê pûşperê li Salt Lake City dest bi konseran bikira û 19’ê tîrmehê New Jersey tûrneya xwe ya Amerîkayê temam bikira. Lê niha ev konser ji bo di 2011’an de li dar bikevin hatin bi betalkirin.

Di vê navberê de konsera U2 ya li Stenbolê jî di rojevê de bû. Konsera ku Live Nation, Pozîtîf û ÎKSV bi piştgiriya Ajansa Paytexta Çandê ya 2010’an a Stenbolê ve tê lidarxistin nehatiye betalkirin.

ÎKSV’ê li ser emeliyetkirina Bono daxuyaniyeke nivîskî weşand û da zanîn ku wê konsera li Stenbolê li dar bikeve.

Ji bo kesên eleqedar malhera U2: www.u2.com