Amed  
10’emîn Festîvala Çand û Hunerê ya Amedê bi meşa ku bi hezaran kes beşdar bû dest pê kir, lê konsera destpêkê ya ku wê êvarê li dar bikeve ji kesên ku li Dêrsim û Gazzeyê jiyana xwe ji dest dan  hate betalkirin.

Festîvala ku bi dirûşma “Hunera azad civaka azad e” tê lidarxistin bi meşa ku ji Parka Sumer dest pê kir û heta Deriyê Çiyê dom kir dest pê kir.

Meş bi beşdariya Cîgirê Şaredarê Bajarê Mezin ê Amedê Metin Kilavuz, Midurê Çand û Turizmê Muharrem Cebe, Cîgirê Hevseroka Kogreya Civaka Demokratîk (KCD) Cemal Coşkun û Serokê BDP’a Amedê Nîjad Yaruk, hunermend Suavî û gelek kesayetiyên din ên navdar pêk hat.

Di meşê de dirûşmên ji bo Ocalan û nirxên gelê kurd hatin berzkirin. Meşa ku ji parka Sumerê heya derê çiyê bû. Bi gihiştina qadê, piştî axaftinan bi dawî bû.

Cîgirê Şaredariya Bajarê Mezin a Amedê Metin Kilavuz destnîşan kir ku gelê kurd qedexekirina zozanan û bombebarankirinê baş dizane, di salên borî de li Amedê koma biratiya bi Gazzeyê re bi xebat û kampanyayên cur bi cur hate avakirin û wiha berdewam kir: “Bila dengê min biçe dagirkeran, rengê êşê tune ye û êşa Gazzeyê jî êşa me ye. Ji ber wan bûyerên nexweş jî me konsera xwe ya destpêkê betal kir.” 

***

Nûçeya eleqedar:

- Sempozyûna Feqiyê Teyran li dar dikeve

- Bermaneya Festîvala Çand û Hunerê ya Amedê