Cemil Oguz
Festîvala Helbestan a Navneteweyî ya Stenbolê di navbera 22-27'ê mehê li dar e. Di festîvalê de helbestên kurdî jî hene.
3'yemîn Festîvala Helbestan a Navneteweyî ya Stenbolê 'Şiir Îstanbul' îro dest pê kir. Di festîvalê de ji 24 welatan li dor 30 helbestvanî dibin mêvanê Stenbolê. Di nav van de helbestvanên kurd Arjen Arî, Şêrko Bêkes û Jana Seyda jî hene.
Di çarçoveya festîvalê de helbestvan dê helbestên xwe, muzîkjen jî dê muzîkê xwe ku ji helbestan rêstine pêşkêşî temaşevanan bikin. Her wiha gotûbêj jî dê pêk bên. Festîval îsal li 6 lîseyan jî çalakiyan li dar dixe.
Li ser festîvalê me bi Serokê Komîteya Festîvalê Zeki Tombak re xeber da. Tombak got, "Helbest zimanê pêxemberan e" û wisa berdewam kir: "Helbest ne tenê helaqê, her tiştî xwedî dike, wisa tişteke ku qudreta wê heye ku her tiştî xwedî bike. Ne girîng e helbest pir bêne firotin. Ger 500 heb pirtûkên helbestê hatibin firotin jî, ger wan xwe gihandibe xwendevanên baş bi awayekî dikare bandorê li hemû civakê bike."
T
ombak da zanîn ku li Tirkiyeyê, li Rojhilat helbest her demê şêwaza vegotinê bûye û wiha got: "Berê helbest hebû, roman û çîrok dûre hatin. Di demên dawî de helbest hindik tê xwendin, ji ber ku jiyana me bû jiyana dinyewî. Em ji nazikiya helbestê, ji kûrahiya wê dûr ketin. Em îro careke din dixwazin helbestê bînin nava jiyanê."
Her wiha Zeki Tombak da zanîn ku di 5 rojên festîvalê de digel xwendina helbestê dê kûrahiya li pişt helbestê jî derxin pêş, dê her kes bi helbestê re, bi helbestên bi zimanên din re têkilî deyne, digel van dê forûm û panel jî li dar bikevin. Her wiha di festîvalê de digel dê mûzîk bê pêşkêş kirin, du lîstikên şanoyê ku têkiliya wan bi helbestê re heye jî bêne lîstin.
Serokê Komîteya Festîvalê Tombak got ku hebûna helbestvanên kurd, tirk, faris, ermen, ereb û yên din festîvalê dewlemendtir dike û dom kir: "Em dixwazin newaya hemû zimanî bê bihîstin, ji ber ku helbest wisa tişteke ku muzîka wî gelî derdixe holê. Helbestvanên kurd, ereb, faris, ermen hene. Bi vî awayî em li vir guh bidin zimanên cîranên xwe. Ji aliyê zimên ve xizmên van cîranan li vir hene. Lewre emê xizm bi xizm li helbestan guhdarî bikin."
.jpg)
.jpg)
