Diyarname

Wezareta Karên Hundir a Tirkiyeyê bi kayûmê dest danîn ser 4 şaredariyên din ên kurdan. Wezaretê îro bi kayûmê dest danîn ser şaredariya Kayapinar, Karaz û Bismila Amedê, û Ercîşa Wanê.

Du sal berê Wezaretê dest danîbû ser hemû şaredariyên kurdan lê di hilbijartina 31'ê adara 2019'an de dîsa ev şaredarî bi paş ve hatibûn xistin. Wezareta Tirkiyeyê niha dîsa yek bi yek wan desteser dike. Heta niha 8 şaredarî hatibûn desteserkirin, bi van jî bû 12 şaredarî têne desteserkirin.
Mizrakli hat teqîfkirin
Di vê Hevşaredarê Bajarê Mezin ê Amedê Dr Selçuk Mizrakli ku hatibû binçavkirin îro hat tewqîfkirin. Her wiha Hevşaredara Kayapinarê Kezban Yilmaz û Hevşaredara Karazê Rojda Nazlier ber êvarkî hatin tewqîfkirin.
Hevşaredarê Bismilê Orhan Ayaz ku duh hatibû binçavkirin bi şertê kontrola edlî hat berdan.

Heta niha Wezaretê bi kayûman dest daniye ser van bajar û navçeyan:

Amed: 

- Şaredariya Bajarê Mezin

- Kayapinar

- Bismil

- Pasûr

- Karaz

Wan:

- Şaredariya Bajarê Mezin

- Ercîş

Mêrdîn:

- Şaredariya Bajarê Mezin

- Nisêbîn

Erzerom:

- Xinis

Culemêrg:

- Şaredariya Navendî

- Gever