Diyarname

Serokê Federasyonê Fûtbolî yê Tirkiye (TFF) Nîhat Ozdemîr eyro şî serdaney klûbey Amed Sporî.

Serokê TFF'î Ozdemir qeybî kar û bar şîbî Amed, ewca ra şî serdaney Amed Sporî. Serokê Odey Bazirganî ê Amedî Mehmet Kaya, Serokê Federasyonê Klûbanê Amatorî Remzi Dayan jî Ozdemîrîdir şî serdaney Klûbey Amed Sporî. Serokê Klûbey Amed Sporî Metin Kilavuz û rêveberî pêşwazî ro heyetî kerd. Kilavuzî qalê rewşey Kilûbey Amed Sporî kerd û dimara formaya ke namey Ozdemîrî sero nişto û tîzbayke diyarî ê kerd.

Serokê TFF'î Nihat Ozdemîr ke malbatey cê Bedlîs ra wa, di serey 1950'î de Amed de hamew dinya. Ew çende serî Cîgerê Serokê Klûbey Fenerbahçe bî, a çaxî jî têkilî cê kilûbanê Amedîdir bîbî.