Diyarname

Tûrnûvaya Fûtbolê ya Euro 2020 hêdî hêdî tê û niha ji bo wê pişke hat kişandin. Vê êvarê li Bukreşa Romanyayê pişke hat kişandin. Tîmên ku dê di koman de cih bigirin diyar bûn.

Euro 2020 ji ber ku vê carê 60'emîn car li dar dikeve ne tenê li welatek li 12 welatan, li 12 bajaran li dar dikeve. Maçên Euro 2020 dê li 12 stadên cuda bêne lîstin. 20 tîman mafên çûyîna Euro 2020 bi dest xistibûn û 4 tîm jî dê play-offê bilîzin û bên. Maçên play-offê dê adara 2020'an de bê lîstin.

Vê êvarê pişke hat kişandin, tîmên di nav koman de diyar bûn.

Yekem maça Euro 2020'an dê di navbera Îtalya - Tirkiye de be.

Vaye rewşa koman:

- Koma A: Îtalya, Swîsre, Tirkiye, Gal

- Koma B: Danîmarka, Fînlandiya, Belçîka, Rusya

- Koma C: Hollanda, Ukrayna, Avusturya û tîmek ji Play-offê dê bê

- Koma D: Îngilistan, Hirvatistan, Komara Çek, û tîmek ji play-ofê dê bê

- Koma E: Spanya, Swêd, Polonya, û tîmek ji play-offê bê.

- Koma F: Tîmek ji play-offê bê, Portekîz, Fransa, Almanya

Koma dijwar

Di nav van de koma herî dijwar wekî Koma F dixuye ji ber ku sê tîmên mezin, sê tîmên favorî Alman,a Portekîz, Fransa dê bi hev re bilîzin.

Euro 2020 kengê dê dest pê bike?

Maçên tûrnûvaya Euro 2020 dê roja 12'yê pûşpera 2020'an de dest pê bikin. Maça yekem li Stada Olîmpiyatê ya Romayê di navbera Îtalya û Tirkiyeyê de bê lîstin. Maça fînalê 12'yê tîrmehê dê li Stada Wembley a Londana Îngilistanê bê lîstin. Her wiha maçên nîv fînalê jî dê li stada Wembley bêne lîstin. Stada Wembley yek ji stadên mezin a Îngilistanê ye ku têde cihê 90 hezar temaşevanî heye.