Diyarname
Komeleya Nivîskarên Jin (KYD) li Îzmîrê çalakiyeke ku sê rojan dê bidome li dar dixe.

Kadin Yazarlar Dernegi (KYD- Komeleya Nivîskarên Jin) çalakiyeke bi navê "Jin Bi Wêjeyê Re Tên Ba Hev" li dar dixe. Çalakî wê rojên 20-21-22'yê vê mehê li dar bikeve.

Di çalakiyan de wê atolyeyên xebatkê yên li ser wêjeyê bêne li dar xistin, wê nivîskarên jin beşdarî semîneran bibin û li ser wêjeyê biaxivin.

Nivîskarên jin wê bi jinên din re bên ba hev û ceribandinên xwe yên dema nivîsandinê bi jinan re par ve bikin. Bi vê yekê wê rêyeke li ber jinên din jî bê vekirin. Çalakiya ku bi piştgiriya Şaredariya Bajarê Mezin a Îzmîrê tê li dar xistin temaşekirina wê bê pere ye û pêşkêşkirinên (xwarin, vexwarin) wê di vê demê de bêne kirin jî ji aliyê şaredarî ve hatine temînkirin.

Yên ku bixwazin beşdarî çalakiyê bibin heta 19'ê mehê divê xwe bigihînin vê nimreya telefonê 555 430 16 34 yan jî maileke bişînin ser vê maîlê: kadinyazarlardernegi@gmail.com