Diyarname

Ji Baroya Amedê Cîhan Îpek ji ber di navbera Tirkiye-Almanya de wekî pirekî kar dike ji aliyê Serokomarê Almanyayê Frank-Walter Steinmeier ve bi Nîşana Layiqbûnê ya Serokomariya Almanyayê ew rûmetdar kir.

Parêzer Cîhan Îpek li gundekî Erxeniya Amedê ku elektrîk lê nîn bû hatiye dinê. Di sala 1987'an de Fakulteya Hiqûqê ya Zanîgneha Dîcleyê tema kiriye û di sala 1988'an de dest bi parêzerî kiriye. Îpek di sala 1993'yan de çûye Zanîngeha Goethe ya li Frankfurtê û li wir li ser "Xwe bi xwe birêvebirina rêveberiyê herêmî" lîsansa xwe ya bilind temam kiriye. Îpelt li Almanyayê ligel Angelika Bauer zewicî û piştî vegeriya Tirkiyeyê parêzeriya xwe dom kir.

Îpek di sala 2005'an de di nav "lîsteya parêzerên ku bi almanî dizanin" de cih girt, paşê ket nav "lîsteya parêzerên ewlehî bi wan tê". Almanya ku ji nêz ve ew şopand niha bi Nîşana Layiqiyê ya Komara Federal a Almanyayê rûmetdar kir. Ev nîşane ji aliyê Serokomarê Almanyayê Frank-Walter Steinmeier ve tê dayîn. Steinmer ji bo Îpek wisa gotiye: "Ji ber xebat3en wî yên siyasî, hiqûqî, çandî û fikrên wî, ji ber wî di navbera Tirkiye-Almanyayê de rola pirek lîstiye û ev rola xwe bi fikrên xurt, bi nêrîna ku kesên nedîtiye lê wî dîtiye, bi dîtina rastiyan, objektîf û piranîbûnê ew layiqî vê xelatê hatiye dîtin."

Li ser navê Serokomarê Almanyayê Steinmeier Balyozgerê Enqereyê yê Almanyayê martin Erdmann nîşane da Îpek. Îpek diyar kiriye bi vê nîşanê ew gelek dilşad bûye, ev yek ji bo wî berpirsiyariyek mezin e û wisa gotiye: "Ez dikarim ceribandinên xwe yên li Almanyayê ji bo çareserkirina pirsgirêka kurd bikar bînim. Mirov wekî hiqûqnasek dikare ji pergala hiqûq û polîtîk a Almanyayê gelek tiştan hîn ibbe û vê yekê li Tirkiyeyê bi cih bîne. Ji ber vê yekê min teza xwe ya lîsansa bilind li ser 'Rêbara rêveberiya herêmî ya xwe bi xwe birêvebirinê ya Almanyayê lêanina ji bo rêveberiya herîmî ya li Tirkiyeyê' amade kir. Şiklê pergala federal a li Almanyayê ya rêveberiya herêmî li Tirkiyeyê di çarçoveya pirsgirêka kurd û demokratîkbûyînê de dikare bê bikaranîn û bi baweriya min ev yek dê bandorê lê bike."

Îpek got ku Almanya dikare ji bo çareserkirina pirsgirêkê kedê bide. Her wiha wî got ku divê Almanya Tirkiyeyê ne tenê wekî Stenbol û Enqereyê bibîne, berevajî vê wekî kompaniyê razemenî û saziyên din divê li herêmên rojhilat jî xwe nîşan bidin ku wekî gava yekem dikare Dibistkana Alman û Enstîtuya Goethe li Amedê veke.

Ev nûçe ji VOA'yê hatiye girtin û wergerandin