Diyarname
Cîgirê Sekreterê Giştî yê MHP'ê Muzaffer Çakmakli diyar kir ku Serokê mHP'ê Devlet Bahçeli wê were Amedê.

Cîgirê Sekreterê Giştî yê MHP'ê û mebûsê Rihayê Muzaffer Çakmakli bi serokên rêxistinên bajarên herêmê yên MHP'ê re li Amedê hat ba hev û daxuyanî da çapemeniyê.

Çakmakli got "Di desthilatdariya MHP'ê de wê pirsgirêkên vê herêmê ji bo careke din neyên tevdan bi temamî xilas bibin. Li vê herêmê wê hizûr hebe, kar hebe, xwarin hebe, yekîtî û bi hev re bûn hebe."

Muzaffer Çakmakli got ku ewê li Amed û Mêrdînê du mîtîngan li dar bixin û Bahçeli wê were Amedê. Çakmakli wisa got: "Hatina wî ya Diyarbekirê wê ne dereng be. Li Diyarbekirê wê birêz Bahçeli mêvanê rûmetê yê diyarbekiriyan be. Bahçeli ku parçeyeke ji birayên me yên Diyarbekirê ye dê wî bi awayekî baş pêşwazî bikin."

Çakmakli li ser dozên KCK'ê jî wisa got: "Ev pêkanîneke neheq e. Carekê, ger sûcdar in dosyayê bi dawî bike cezayê bide. Ger mehsûm e, derdek revînê nîn be ku gelek jê şaredar in jî, girtîhiştina wan yek ji zilma herî mezin a dinyayê ye. Ev eybeke mirovatiyê ye."