Diyarname
Kovara Tîrojê hejmara xwe ya nû ya rêbendan û reşemiyê derxist. Di kovarê de sernavê "Kurdun İstanbul Hatirasi" (Bîranîna Stenbolê ya Kurdan) heye.

Kovara bi kurdî û tirkî ya du mehane Tîroj hejmara xwe ya 48'an derxist. Kovarê vê carê "Kurdun İstanbul Hatirasi" kiriye mijara dosyaya xwe. Li ser vê mijarê nivîskar Şeyhmus Diken, wênesaz û nivîskar Şener Ozmen û Lal Laleş li ser mijarê axivîne. Her wiha Rohat Alakom û Faîk Bulut jî keda xwe xistiye nav dosyayê.

Ji hevpeyvînên kovarê Çiya Mazî bi Ehmed Kurdî re li ser jiyana wî, têkiliya wî û Celadet Bedirxan, Osman Sebrî wan hevpeyvîneke kiriye. Fahit Polat bi parêzer Meral Daniş Beştaş re li ser kova KCK'ê û parastina bi kurdî, Cemil Oguz jî bi nivîskarê pirtûka "Kurdên Almanyayê" Zeki Ozmen re li ser pirtûka wî, kurdên Almanyayê û rewşa wan hevpeyvîna kiriye.

Her wiha Arif Altan, Sennur Sezer, Fehim Işik, Edîb Polat, Helîm Yûsiv, Medayin Demirbaş, Evdile Koçer, Mehmet Bayrak, Cuma Boynukara, Dilşa Deniz, Bariş Avşar, Gulsen Yuksel, Gulden Odabaşi bi nivîsên xwe, Ahmet Telli, Muslim Çelik, Çetin Lodî, Marîn Rehman, Mihemed Afşar, Nûroj Mûnzûr û Muhsîn Atak jî bi helbestên xwe cih girtine.