Diyarname
Hunermend Ali Ozutemiz ku bi navê "Kivircik Alî" dihat nasîn vê serê sibê di encama qezaya trafîkê de jiyana xwe ji dest da.

Hunermend Kivircik Alî ku stranên gel distriyê vê serê sibê li Çatalcaya Stenbolê vê serê sibê saet di 05.30 de erebeya wî teqle avêt û wî jiyana xwe ji dest da. Kivircik alî li Beşîktaşa Stenbolê di studyoyeke de xebata derxistina albuma nû dikir û dema serê sibê ji studyayê derketiye ku here mal qeza derbas kiriye.
Cenazeya hunermend Kivircik Alhi rakirin Nexweşxaneya Dewletê ya Buyukçekmeceyê. Sibê saet 13.00'an de piştî merasima li Cemxaneya Er Mahmut Dede ya li Avcilarê wê cenazeya wî defin bikin.

Kivircik Alî kî bû?

Hunermend Ali Ozutemiz di 11'ê kewçêra 1968'an de li gundê Erenli ya Turhala Tokatê hatiye dinê.
Ew bi guhdarîkirina stranên kesên wekî Mahzuni Şerif, Abdullah Papur, Ali Kiziltug, Ali Ekber Çiçek, Muhlis Akarsu, Riza Aslandogan, Arif Sag, Musa Eroglu û Sebahat Akkiraz mezin bûye, bi lêdana tembûrê û strînê dest bi hunerê kiriye. Ozutemîz dema di gazîno û dawetan de derketiye ser dikê û stran gotiye ji ber ku porê wî jêre "Kivircik Alî" gotine û ew êdî bûye navê wî yê hunermendî.

Kivircik Alî ku bi stranên xwe gelek navdar bûbû heta niha bi navê "Gul tukendi ben tukendim", "Isirgan otu", "Uçuncu gurbet", "Geriye donun seneler" û "Hepimize yeter dunya" 5 albumên wî derketine. Kivircik Alî ku bavê 2 zarokan e di amadehiya albuma nû de bû.