Diyarname
Egîtîm-Sena Amedê encamên Pêşbaziya Çîrokan a Abdullah Duran eşkere kir. Kesên di pêşbaziyê de bi ser ketin di 31'ê adarê de bi merasimeke ku wê li Salona Resepsiyonê ya Sumerparka Amedê li dar bikeve de xelatên xwe bigirin.

Li gor daxuyaniya Egîtîm-Senê di beşa tirkî de 55 heb, di beşa kurmancî de 35 û di beşa kirmanckî de jî 3 çîrok ji bo 4'emîn Pêşbaziya Çîrokan a Abdullah Duran ji wan re hatine şandin.

Juriya beşa tirkî ji Yavuz Ekinci, Murat Ozyaşar, Suzan Samanci,
Ozcan karabulut û Cemil kavukçu ve pêk dihat. Di vê beşê de juriyê xelat dan van berhem û kesan:

1'emîn: Ji girtîgeha Semsûrê, Comert Bozkurt, bi çîroka xwe ya bi navê “Yazgi”
2'yemîn: Ji Amedê, Veysî Erdogan bi çîroka xwe ya bi navê “Kuyu Sirtinda Bir Mezar”
3'yemîn: Ji girtîgeha Bolu, A.Rezzak Gulmez bi çîroka xwe ya bi navê “O Kendine Taşınmak İstiyor”

Ji bilî van, çîrokên van kesan jî hêjayî Xelata Mansiyonê hatine dîtin:
- Ji Erxenî, Umut Ulaş Çelik bi çîroka xwe ya bi navê “Kadri'nin Oykusu”
- Ji Stenbolê, Oznur Demirtaş bi çîroka xwe ya bi navê “Asiye”

Juriya beşa kurmcanî ji Fewzî Bîlge, Azad Zal, Ronî War, Elîxan Loran ve Mihemed Ronahî’ pêkdiha. Juriyê di vê beşê de ev berhem û kes hêjayî xelatê dîtine:

1'yemîn: Ji Batmanê, Çigdem Baran, bi çîroka xwe ya bi navê “Rokurteke Payîzî”
2'yemîn: Ji girtîgeha Sîncanê, Lokman Laçin, bi çîroka xwe ya bi navê “Sabrîna”
3'yemîn: Ji girtîgeha Kirikkale, Welat Esen, bi çîroka xwe ya bi navê “Topa Xwedê”

Ji bilê van ev jî hêjayî xelata mansiyonê hatîn dîtin:
- Ji girtîgeha Dîlokê, Sadik Şen, bi çîroka xwe ya bi navê “Zimanê Dê”
- Ji girtîgeha Bolu, Osman Kapan, bi çîroka xwe ya bi navê “Çîroka Çîrokê”
- Ji girtîgeha Mûşê, Huseyin Tunç bi çîroka xwe ya bi navê “Temo”.

Ji ber ku di beşa kirmancî de, tenê 3 heb çîrok gihîştin ber destê amadekarên pêşbaziyê, di vê beşê de nirxandinek pêk nehatiye lê biryar dane ku xelata mansiyonê bidin her sêyan.

Abdullah Duran kî ye?

Abdullah Duran zarokek kurd e ku hê diçû dibistana seretayî, di bûyerên Amedê de, roja 28'ê adara 2006'an bi guleya polîsan jiyana xwe ji dest da. Ji bo bîranîna Duran, Egitîm-Sen ev çar sal in Pêşbaizya Çîrokan li dar dixe.