Diyarname

Kompaniyeke amerîkî ligel HSD'ê li ser petrolê peymanek girê da. Tirkiye, Sûriye û Îran dijî vê derketin, niha dê çawa be? Pisporê amerîkî Aaron Stein dibêje "Bi vê Tirkiye ket nava stratejiyeke tevlihev."

HDS (Hêzên Sûriyeya Demokratîk) ligel kompaniya amerîkî "Delta Crescent Energy LLC" li ser petrolê peyman girê da. Sedî 70'ê yê petrolê herêmê di bin destê HSD'ê de ye. Li gor peymanê bîrên petrolê yên li Rojava û li Bakurê Sûriyeyê bêne tamîrkirin û petrol bi awayekî bi rêyên wermî bê firotin. Enqere, Tehran û Şam dijî vê peymanê daxuyanî dan. DW Tirkî li ser vê nûçeyeke amade kiriye û ji hin pisporan dîtin girtiye. Ji wan yek jî Aaron Stein (Dîrektorê Bernameya Rojhilata Navîn ê Enstîtuya Lêkolînê ya Polîtîkaya Derve ya DYA'yê) e.

Li ser "Ev peyman dê hedefa herêmên xweser xurt bike yan na" Stein dibêje "Ev yek tê fêmkirin.  Meseleya petrolê ji zû de ye di nav planê de bû. Tirkiye di nav stratejiyeke nediyar de ye. Ger Esad ji nû van herêman bigire bin destê xwe ev yek ji bo Tirkiyeyê îhtîmala herî baş le lê ev yek jî dê bibe sedem ku Tirkiye meşrûtiyeta Esad qebûl bike. Tirkiye li aliyek dixwaze Sûriye bi herêmên cuda bê parçekirin û polîtîkayeke wisa dimeşîne, li aliyê din polîtîkaya ku herêmeke din meşrû qebûl nake dimeşîne… Ne mimkûn e her duyan bi hev re bimeşîne."

Li gor çawaniya firotina petrolê jî ew van lê zêde dike: "Ger firotina petrolê bi ser Herêma Kurdistana Federe ve bê firotin ev yek dê bê wê wateyê ku Tirkiye ji bo petrolê dê pere bide YPG'ê. A rast ez tam nizanim ji rewşa niha cudatir dê tişt biguhere yan na. Ji ber ku jixwe petrola kurdan bi rêya qaçax dixin Tirkiyeyê û li wir difroşin."