Diyarname
Di hilbijartina giştî ya Kraliyeta Yekbûyî de Partiya Karkeran a di bin serkatiya Keir Starmer de bi dest ket û piştî 14 salan Partiya Karkeran dîsa hat desthilatdariyê.
Ev Keir Starmer ê Partiya Karkeran di bin serokatiya wî de bi ser ket kî ye?
Va ne ew agahî:
- Navê wî yê dirêj Sir Keir Rodney Starmer e. Sala 1962'yan hatiye dinê. Siyasetmedar û parêzer e.
- Starmer her qal kiriye ku ji malbateke karker hatiye
EDÎTORÊ KOVAREKE RADÎKAL BÛ
- Di 16 saliya xwe de di nav baskên ciwanan ên Partiya Karkeran de cih girtiye. Gemekê edîtoriya kovara Socialist Alternatives kiriye ku ev kovareke çep a radîkal bû.
- Wî li Zanîngeha Leedsê di asta lîsansê de hiqûq xwendiye. Sala 1986'an li St Edmund Hall a Zanîngeha Oxfordê di warê Hiqûqa Medenî de lisansa bilind kiriye.
- Di dema parêzeriyê de li ser hiqûqa cezayê û li ser mijarên mafên mirovan bûye pispor.
- Di salên 1990'î de li hemberî restorana mezin McDonaldsê du aktîvîstên etolojî parast. McDonaldsê ew bi heqaretê sûcdar dikir.
- Ji sala 2015'an ve li herêmên Holborn û St Pancrasê mebûs e.
- Di navbera 2008 - 2013'yan de li Serwîsa Dozger a Kraliyetê wekî Midûrê Dozgeriyê kar kir.
2020, BÛ SEROKÊ PARTIYÊ
- Di avrêla 2020'î de Serokê Partiya Karkeran Jeremy Corbyn piştî têkçûna di hilbijartinê de ji seokatiyê vekişiya; Starmer ket cihê wî.
- Ew dema hat ser kar, bi îdîaya "ji ber gotinên Corbyn ên antîsemitist" endamtiya wî ya partiyê dabû rawestandin. Corbyn îdîa kiribû ku kesên hundir partiyê û derveyî partiyê ligel çapemeniyê mesele neqişandine.
- Corbyn hê zêdetir aliyê çepê çep bû. Lê Starmer wekî çepê navîn ê partiyê tê hesibandin. Ew hewl dide ku Partiya Karkeran ber bi navendê ve bibe.
- Di dema BREXIT'ê de ew dijî vê yekê derketibû, bi hevrebûna ligel Yekîtiya Ewporayê diparast.
COMPANIYÊN ENERJÎ Û AVÊ YÊN DEWLETÊ NE
- Starmer di kampanyaya hilbijartinê de digot dive dewlet dest deyne ser kompaniyên enerjî û avê wan bike ê dewletê. Û wî ji bo xwendekaran perwerdehiya bi pêre diparast.
'EMÊ WELAT JI NÛ VE SAZ BIKIN'
- Piştî serketina xwe got, "Em dest pê dikin, emê welat ji nû ve saz bikin."
Serokê Giştî yê Partiya Karkeran Starmer, ligel Cîgera Serokê Giştî Angela Rayner û jina xwe Victoria Starmer serketir pîroz kir.
***
Nûçeya Eleqedar:
.jpg)
