Stenbol
Komeleya Hawir, Perwerdehî û Çandê ya Taxa Şahîntepe (ŞAH-DER) li navçeya Kuçukçekmeceya Stenbolê bi beşdariya sedan kesî bi awayek coş hate vekirin. Parlementerê DTP'ê yê Mûşê Sirri Sakik ku beşdarî vekirina komeleyê bû û got: "Daxwaza me ew e ku gelên li Tirkiyeyê dijîn di nav aştiyê de bi hev re bijîn. Lê Hikûmeta AKP'ê difikire ku gelê kurd xilas bike. Tiştek nizane heye ku nikarin vî gelî bi operasyonan xilas bikin."

Parlementerê DTP'ê yê Mûşê Sirri Sakik, Serokê Rêxistina DTP'ê ya Stenbolê Halîl Aksoy, Serokê Rêxistina DTP'ê ya navçeya Kuçukçekmeceyê, Înîsiyatîfa Dayîkên Aştiyê û bi sedan kes beşdar bûn.

Her wiha di şahiyê de hunermendên wekî Hasan Saglam, Hemê Hecî, Koma Axtamara û Çetin Oraner stranên pêşkê kirin.

Berpirsên Şah-Derê gotin ku dê komele li ser çand û hunera kurdî xebatê bike.

Foto: DÎHA