Diyarname
Vê hefteyê 7 fîlm ketine vîzyonê ku jê 3 animasyon in. Ev hefte wekî hefteya anîmasyonan jî dikare bê bi navkirin. Jê wêdetir anîmasyonên ketine vîzyonê jî hêjayî temaşekirinê ne. Her 3 anîmasyonan 3 jî derveyî Tirkiyeyê hatine û bi taybetî em van derdixin pêş. Ji bilî van fîlmekî heye hêjayî temaşekirinê ye, "Babygirl".

"FLOW"
"Flow" navê fîlmekî anîmasyonî ye, bi navê "Flow: Bir Kedinin Yolculugu" (Flow: Rêwîtiya Pisîkek) xistine vîzyonê. Di encama lehiyeke mezin de mala pîsekek ser û bino dibe, ew dike li keştiyek ligel sewalên cur bi cur bijî. ligel hemû cudahiyan ew têkoşîna li ser piyan mayînê dide.
"Flow" ku derhêneriya wî Gints Zilbalodis kiriye par li Cannesê hatibû nîşandayîn, niha di beşa anîmasyonê ji bo xelata Oscarê wekî berendam hatiye nîşandayîn.

"KAYARA"
"Kayara" fîlmê anîmasyonî yê derhêner Cesar Zelada ye. Li nav Înkayan tenê mêrên înkayî digirin nava Chasqui İnka lê Kayara jinek ciwan e ku xeyala wê ew e beşdarî wan bibe.

"LEONEY TUNES"
Di "The Day the Earth Blew Up: A Looney Tunes Movie" de wê bikaribin dinyayê rizgar bikin? Daffy Duck û Porky Pig ji bo mala ji bavê wan ji wan re maye xilas bikin dest bi lêgerîna kar kirine lê ji bo wan li hev nayê. Di dawiyê de li fabrîqeyeke benîştan kar dibinin lê Daffy ferq dike ku dinya di bin tehdîda fezayiyan de ye. Û meseleya rizgariyê dest pê dike. Ev fîlmê anîmasyoNî ji aliyê Peter Browngardt ve hatiye bi rê ve birin.

"BABYGIRL"
Ji bilî her 3 anîmasyonan em "Babygirl" jî derdixin pêş. Ji nav fîlmên vê hefteyê we derdikeve pêş. Hûn temaşe nekin jî tiştek winda nakin, lê performansa Nicole Kidman her hêjayî temaşekirinê ye. Fîlmî li Festivala Fîlman a Venedîkê de bal kişandibû ser xwe; lîstikvan Kidman jî xelata Lîstikvana Herî Serketî girtibû.
Fîlmê "Babygirl" ji aliyê derhêner Halina Reijn ve hatiye bi rê ve birin û Nicole Kidman, Harris Dickinson, Antonio Banderas û Sophie Wilde têde dilîzin.
CEO'yeke xurt dema ligel stajyerekî ku ji wê gelek ciwantir e dikeve nava têkiliya bi coş, êdî hem kariyeta xwe, hem malbata xwe dixe nava talûkeyê.

Va ne hemû fîlmên vê hefteyê:
- Wolf Man / Derhêner Leigh Whannell
- Babygirl / Derhêner Halina Reijn
- Kayara / Cesar Zelada / animasyon
- Flow / Derhêner Gints Zilbalodis / Anîmasyon
- The Day the Earth Blew Up: A Looney Tunes Movie / Derhêner Peter Browngardt / Anîmasyon
- Yahuda / Derhêner Anastasiya Budakva
- Tete ve Masal: Ruyalar Diyari / Derhêner Muhammed Tumer Sirkecioglu