Diyarname

Îşev maça çarîk fînalê ya Lîga Şampiyonan di navbera tîma alman Bayern Munih û tîma katalan Barselonayê de bû. Di maçê de tam 10 gol hatin avêtin û Bayerê tiştê nebûyî çêkir: Tam 8 gol avêtin Barselonayê.

Otorîte li bendê bûn Bayer bi ser bikeve lê kes ne li bendê bû ku dê tam 10 gol bêne avêtin û dê encam 8-2 be. Lê tiştên ku nedihatin xeyalan çêbû. Sîstema almanah xwe nîşan da û Barselona tar û mar kir. Piştî vê skorê li eniya Barselonayê ji sibê de dê gelek nîqaşên guherînê çêbin û wan nîqaşan îşev de dest pê kir jî. Li eniya alman jî kêfa ku xwe ji bo nîv fînalê amade bikin dest pê kir.

Maça her du tîman bi lez dest pê kir. Hê di deqîqeya 4'yan de Bayer Munih bi Thomas Muller derket pêş lê piştî 3 deqîqeyan David Alaba gol avêt keleha xwe û maç bû 1-1.

Paşê baran barî: Di deqîqeya 22'yan de Perisic, di deqîqeya 27'an de Gnabry, deqeya 30 de Muller golek avêt û encam bû 4-1. Maç wisa bi lez bû di nîveka yekemîn de qet deqîqeyên zêdek nehatin lîstin û nîveka yekemîn bi vê encamê bi dawî bû.

Tîma alman qet ne li wê fikrê bû tenê maçê bi dest bixe lê bi çi encamê dibe bila bibe; yê wan armanc lîstin, gol û bi vî awayî serketin bû. Li her metrekareya sehayê ew hebûn. Erê di deqîqeya 57'an de li ser navê Barselonayê Suarez golek avêt, encam anî 4-2 lê ev yek ji bo almanan ne muhîm bû. Almanan pergala xwe dan xebitandin û vê golê bi 6 deqîqeyan bi Kimmich bersiv da û encam anî: 5-1.

Di deqîqeya 81'ê de Lewandowski, deqîqeya 85'an de Coutinho û deqîqeya 89'an de dîsa Coutinho û wî got "bes e êdî".
Barselonayê heta niha di dîroka xwe ya Lîga Şampiyonan de têkçûneke wisa mezin nedîtibû... Bayernê jî serketineke wisa mezin li hemberî Barselonayê qet xeyal nekiribû.

Di temamê maçê de Bayer Munih zedetir pas dan, dêzetir şût avêtin, zêdetir parastina keleha xwe kir û helbet bi zêdetir gol avêtinê heq kir ku derbasî nîv fînalê bibe.

Di maça pêr de PSG û maça duh de RB Leipzing bi ser ketibû û di nîv fînalê de ew bûbûn reqîbên hev. Bi vê serketinê Bayer Munih ji bo sibê dê li benda reqîbê xwe be. Sibê, yanê roja 15'ê mehê dê Manchester City û Lyon bilîzin. Kîjan bi ser bikeve dê bibe reqîbê Bayer Munihê. Maça wan jî saet 22'yan de ye.
Barselona wê tevlihev bibe 

Piştî maçê pêşî ji defansê Barselonayê Pique axivî û got: "Ez şerm dikim. Pêdiviya me bi guherîneke bingehîn heye. Ger guherîneke nû bê kirin ez dikarim vekişim. Guherîna ez qal dikim ne ji bo lîstikvanan, an teknîk dîrektor e."
Piştî pîque teknîk dîrektorê Barselonayê Setien jî axivî û got, "Têkçûneke gelek bi êş bû. Tîm gêj bûye.Ji bo gotinên Pique ez tiştek nabêjim. Ez bi xwe bûm 6 meh li vir im, herhal mafdar e. Divê hin tişt biguherin." 
Maçên nîv fînalê
Di nîv fînalê de ji maça PSG û Leipzing tîma PSG li pêş e, îhtîmaleke mezin dê ew derên fînalê. Ji Bayer Munih û tîma din (Manchester City, Lyon) zêdetir îhtîmala Bayer Munihê heye ku derkeve fînalê. Ger sibê Manchester City bi ser bikeve, îhtîmal e bikaribe bi Bayerê. Maça nîv fînalê ya PSG û Leipzingê 18'ê mehê, maça din dê 19'ê mehê bê lîstin û maça fînalê jî roja 23'yê mehê.