Batman
Li Heskîfê niha tenê dixtorekî kar dike. Li ser vê yekê Heskîfiyan îro meşeke li dar xistin, ev yek şermezar kirin û xwestin hejmara dixtorên li navçeya wan bê zêdekirin.

Demek berê ji ber ku serwîsa acîl a 112 dihat girtin heskîfî rabûbûn ev yek şermezar kiribûn vê carê ji ber ku tenê dixtorek li navçeyê ye meşeke li dar xistin û xwestin hejmara dixtorên li navçeyê bê zêdekirin.
Li ber pirê Heskîfî bi sedan kes di destê wan de pankart komî ser hev bûn, bi qîrandina diruşman heta navenda navçeyê meşiyan. Heskîfiyan tirsa xwe wiha anîn ziman, "Li navçeya me hejmara dixtoran 6 bû niha daketiye yekê. Em ditirsin bi vê yekê re navenda tenduristiyê ya li Heskîfê bê girtin. Ji bo Heskîfê û gundên wê ku deh hezar kes têde dijîn dixtoreke tenê guncav dibînin."

Heskîfiyan diyar kir ku di sedsala 21'ê de dikin ku ew bi rêbazên kevnare pirsgirêkên xwe yên tenduristiyê çareser bikin û gotin: "Me mihtacê Loqman Hekîman kirin. Li derveyî saetên measiyê ocaxa tenduristiyê girtî ye. Ji ber ku li Heskîfê navendeke tenduristiyê nîn e li derveyî saetên mesaiyê ji bo nexweşiyeke biçûk jî heskîfî mecbûr dimînin herin Batmanê. Em dixwazin Serwîsa Acîl 112 ku demek barê hatiye girtin bê vekirin, hejmara dixtoran bê zêdekirin û Ocaxa Tenduristiyê jî 24 saetan vekirî be."

Ji Batman Postasi hatiye girtin