AMED
Endama Bloka Ked Demokrasî û Azadiyê ya Amedê Leyla Zana di gera ji bo hilbijartinê ya li gundan de diyar kir ku serdestan bi peymana Kasr-i Şîrîn erdnîgariya kurdan parçe kiriye û wiha got: "Yên ku erdnîgariya kurdan parçe kirine heke îro yekîtiya kurdan bidîtana dê ji kirinên xwe fedî bikirana û poşman bûbana. Em ê bi Xweseriya Demokratîk ev herêmên kurdan ên ku hatine parçekirin bigîhînin hev."

Namzeta Blokê ya Amedê Leyla Zana ku herêma wê ya hilbijartinê navçeyên Farqîn, Bismil û Hezro ye û di pûsûlaya dengan de di rêsa 2'yemîn de ye çû serdana gundên Farqînê. Hemû serdanên Zana wekî mîtîngê derbas bûn.

Zana di rojekê de çû van gundan: Bavênayê, Derûnê, Derkadêrûnê, Sora û Sabe, Gêreboto, Gundecanoyê, Mezêrkê, Belawella, Pîleka, Derêke, Bavodînê.