Batman

Jineke kurd bi navê Hatice Îdîn di 12'yê pûşperê, di dema avêtina bombeya gazîn a ji aliyê polîsan ve birîndar bûbû û rakiribûn nexweşxaneyê, jiyana xwe ji dest da.

Di 12'yê pûşperê de gelê Şirnexê ji bo pîrozbahiya mebûsên blokê yên Şirnexê derket kuçeyan û dest bi pîrozbahiyan kir. Di wê demê de polîsan ji bo gel belav bike bombeyên gazîn avêt ser gel. Gelek kes bi vê yekê birîndar bûn. Yek ji wan jî jina kurd Hatice Îdîn (54 salî) bû ku ew rakiribûn Nexweşxaneya Dewletê ya Cizîrê û ji ber rewşa wê girantir bûbû ew birin Batmanê û li nexweşxaneyeke taybet dest bi dermankirina wê kirin. Lê Îdîn hew karî 18 rojan ber xwe bide û vê serê sibê saet 05.00'an de jiyana xwe ji dest da.

Cenazeya Îdîn vê sibê bi erebeya cenazeyê ya Şaredariya Batmanê birin Şirnexê.