Diyarname
Hejmara kovara du mehî ya Tîrojê derket. Tîroj di vê hejmarê de jî li ser "'Biratiya Misilmantî' çareserî ye?" disekine"

Hejmara 32'yan a gulan û pûşherê ya Tîrojê derket. Tîroj ku bi kurdî û tirkî weşana xwe dike hejmara borî de dosyana "Biratiya Misilmantî' çareserî ye?"  amade kiribû di vê hejmarê de jî mijar domandiye. Vê hejmarê kesên wekî Zeynelabidîn Zinar, Aysel Tugluk, Mehmet Bayrak, Ahmet Yaşaroglu ile Elif Gorgu bi nivîsên xwe di dosyayê de cih girtine. Ji wan Zinar gotiye "Kurd koleyên Biratiya Îslamê", Aysel Tugluk jî meseleya "Berî biratiya olî, hemwelatiya zagonî" derxistiye pêş. Mehmet Bayrak jî gotina "Li hemberî welatparêzên kurd ol wekî amûrekî hat bikaranîn" derxistiye pêş.

Ev hemjar ku rastî 1'ê Gulanê Roja Kedkarên Cîhanê hat li ser vê rojê jî têde du nivîs hatine nivîsandin. Arjen Arî bi kurdî, Vedat Îlbeyoglu jî bi tirkî nivîsa xwe li ser 1'ê Gulanê nivîsandiye.
Ji nivîsên di kovarê de Elif Çakir li ser malên Mêrdînê, Bengin Amedî jî li ser pirtûkek Weşanên Yapi Kredî nivîsandiye û diyar kiriye ku çawa berhemên kurdan ên dîrokî dikin malên tirkan. Nivîsa dîrokzan Cemşîd Bender ku kurtedemek berê jiyana xwe ji dest da jî hatiye weşandin. Bender li ser zazayan, lehçeya cide û aîdîyetê sekiniye.

Nivîskar Gunay Aslan bi nivîseke "Çîroka azadiyekê" di kovarê de cih girtiye, Cemil Oguz jî li ser Festîvala Helbestan a Navneteweyî ya Beyogluya Stenbolê nivîsana xwe nivîsandiye û aliyên erênî û neyînî yên festîvalê raxistiye ber çavan.

Di beşa hevpeyvînên kovarê de jî vê hefteyê du hevpeyvîn hene. Nihat Îlbeyoglu bi muzîkarê kurd Mikail Aslan re li ser razên Dêrsimê û muzîka wî, Şerif Karataş jî bi nivîskar Erdogan Aydin re li ser tirkîtî, îslam û nasnameyê hevpeyvîn kiriye.

Her wiha Abdurahman Taydemir, Bedirhan Epozdemir, Burhan Sonmez, Aziz Samur, Îrfan Amida, Yildiz Çakar, Sedat Yurdaş, Mustafa Kara, Mehmet Bayrak, Roni War, Nevzat Onan, J.K., Dîdar Dilistan bi nivîs û çîrokên xwe, Berken Bereh, Azad Ronakbar, Dilxwaz Hemdem, Gernas Roderin, Rizoyê Xerzî jî bi helbestên xwe di kovarê de cih girtine.