Diyarname

Festîvala Fîlman a Porteqala Zêrîn ku ji aliyê Şaredariya Bajarê Mezin a Antalyayê ve tê lidar xistin bi merasima xelatdayînê bi dawî bû. Pêşkêşvaniya merasimê Şevval Sam û Yekta Kopan kirin û merasim ji kanala Haberturkê bi awayê yekser hat weşandin.

57'emîn Festîvala Porteqala Zêrîn 3'yê vê mehê dest pê kiribû. Di şevê de fîlmê derhêner Azra Deniz Okyay ê bi navê "Hayaletler" (Xeyalet) Xelata Fîlmê Herî Serketî Porteqala zêrîn girt. Derhêner Okyay jî Xelata Derhênera Herî Serketî girt. Fîlmê "Hayaletler" bi temamî 5 xelat girtin û mohra xwe li şevê da.

Di beşa pêşbaziya navneteweyî de jî derhênerê îranî Massoud Bakhshi bi fîlmê xwe "Yalda, A Night for Forgiveness" xelata Derhênerê Herî Serketî girt. Di vê beşê de xelata fîlmî herî serketî jî dan fîlmê "Quo vadis, Aida?" (Derhêner Jasmila Zbanic)

Di şevê de ev xelat hatin belavkirin:

PÊŞBAZIYA NETEWEYÎ YA FÎLMÊN METRAJDIRÊJ:

- Fîlmê Herî Serketî: Hayaletler (Derhêner Azra Deniz Okyay)

- Derhênerê/a Herî Serketî: Azra Deniz Okyay (Hayaletler)

- Xelata Juriyê ya Fîlmê Herî Serketî: Çatlak (Derhêner Fikret Reyhan, Nizam Reyhan)

- Xelata Behlul Dal Fîlmê Yekemîn yê Herî Serketî: Kumbara (Derhêner Ferit Karol)

- Lîstikvana Herî Serketî: Tugçe Yolcu, Sureyya Kilimci, Elif Urse, Gulçin Kultur Şahin, Canan Atalay (bi rola di fîlmê Çatlak de)

- Lîstikvanê Herî Serketî: Ahmet Mumtaz Taylan (Bi rola di Gelincik de)

- Lîstikvana Duyemîn a Herî Serketî: Nalan Kuruçim (Bi rola di Hayaletler de), Nezaket Erden (Bi rola di İnsanlar İkiye Ayrilir de)

- Lîstikvanê Duyemîn ê Herî Serketî: Emrah Ozdemir (Hayaletler)

- Senaryoya  Herî Serketî: Tunç Şahin (İnsanlar İkiye Ayrilir)

- Xelata Cahide Sonku: Asiye Dinçsoy, Betul Esener, Dudu Yetik (Bi rola di fîlmê Dirlik Duzenlik)

- Derhênerê/ Dîmenê yê/ Herî Serketî: Hayk Kirakosyan (Golgeler İçinde)

- Vesazkirina Herî Serketî: Ayris Alptekin (Hayaletler)

- Derhênerê/a Hunerê yê/a Herî Serketî: Armen Ghazaryan (GOlgeler İçinde)

- Muzîka Herî Serketî: Greg Dombrowski (Golgeler İçinde)

- Xelata Derhênerê Herî Serketî ya FÎLM-YON (Komeleya Derhênerên Fîlman):  Erdem Tepegoz (Golgeler İçinde)

- Xelata Fîlmê Herî Serketî ya SİYAD'ê (Komeleya Nivîskarên Sînemayê): Golgeler İçinde (Derhêner Erdem Tepegoz)

PÊŞBAZIYA BELGEFÎLMÊN NETEWEYÎ:

- Belgefîlmê Herî Serketî: Maddenin Halleri (Derhêner Deniz Tortum)

- Xelata Taybet a Juriyê: Mimaroglu (Derhêner Serdar Kokçeoglu)

PÊŞBAZIYA KURTEFÎLMAN:

- Kurtefîlmê Herî Serketî: Mamaville (Derhêner Irmak Karasu)

- Xelata Taybet a Juriyê Binbir Gece Masallari (Derhêner Mahsum Taşkin)

PÊŞBAZIYA NAVNETEWEYÎ YA FÎLMÊ METRAJDIRÊ:

- Fîlmê Herî Serketî: Quo vadis, Aida? (Derhêner Jasmila Zbanic)

- Derhênerê/a Herî Serketî: Massoud Bakhshi (Yalda, A Night for Forgiveness)

- Lîstikvana Herî Serketî: Natasa Stark (Bi rola di "Preparations to Be Together For an Unknown Period of Time" de)

- Lîstikvanê Herî Serketî: Ali Suliman (Bi rola di "200 Meters" de), Salim Daw (Bi rola di "Gaza Mon Amour" de)