Diyarname

Forbesê lîsteya lîstikvanên jin ên Hollywoodê ku herî zêde pere kar dikin eşkere kir. Bi 30 mîlyon dolarî lîstikvan Angelina Jolie û Sarah Jessica Parker di rêza yekemîn de ne.

Kovara Amerîkayê Forbesê li gor serdema di navbera gulan 2010'an û gulana 2011'an de lîsteya lîstikvanên jin ên Hollywoodê ku herî zêde pere kar dikin weşand. Di rêza yekemîn a lîsteyê de dîsa wekî par lîstikvan Angelîna Jolie heye. Jolie di salekê de 30 mîlyon dolar kar kiriye, lê Jolie ne bi tena serê xwe ye. Lewra lîstikvan Sarah Jessica Parker ku lîstikvana navdar a "Seks and th City" ye bi qezencikirina 30 mîlyon dolarî tevî Jolie bûye şirîka textê yekemîniyê. Parker ne tenê bi lîstikvanî, bi koleksiyona parfumê û bi vesazkirina modayê jî ev pere daye ser hev.

Jennifer Aniston û xwediya xelata Oscarê Reese Whiterspoon bi 28 mîlyon dolar piştî wan tên.

Dûre jî Julia Robertsa xwediya Oscarê bi 20 mîlyon dolarî di rêza 5'emîn a lîsteyê de cihê xwe girtiye.  Lîstikvanên wekî Cameron Diaz û Sandra Bullock jî di nav lîsteya 10 kesên herî zêde pere kar dikin de cih girtine.

Her 10 lîstikvanên di rêza pêşî de cih girtine bi giştî 218 mîlyon dolar pere kar kirine lê ev reqem li ber qezenca lîstikvanên mêr gelek hindik e. Yanê li Hollywoodê jî jin li dû mêran tên; pereyên ku ji bo lîstikvaniya mêran têne veqetandin ji bo lîstikvaniya jinan nayê dayîn.