ENqere
BDP ku di 4'ê meha pêşiya me de dê 2'yemîn Kongreya Xwe ya Asayî pêk bîne ev demekê ye dest bi nîqaşan kiriye.

Di vê kongreya BDP'ê de dê nîqaşên li ser xweseriya demokratîk, sazkirina Zagona Bingehîn a nû, xebata vegera meclisê yan na, rewşa pevçûnan, mijara partiya bane bê nîqaşkirin.
Her wiha di nav BDP'ê de nîqaşa guhartina navê BDP'ê jî kete rojevê. Di hilbiijartina 12'yê pûşperê de ji ber navê BDP'ê hinek dişibe ya BBP'ê, hinek hilbijêrên ku xwendina wan nîn e dengên xwe dabûn BBP'ê. Ji ber vê yekê BDP dixwaze navê xwe biguherîne û ji bo navên nû jî li benda pêşniyaran e.

Yek ji xala ku di vê kongreyê de dê derkeve pêş jî kotaya jinan e. Niha di nav BDP'ê de sedî 40 kotaya jinan heye, lê ev di her warî de neketiye nav pratîkê. Jin dixwazin di her warî de vêbixin pratîkê û di kongreyê de jî ev yek dê bibe mijareke nîqaşê.