Stenbol

Ji bo vekirina Komeleya Karsaz û Pîşesazên Kurdistan (Kurdsîad) di 4'ê avrêla 2014'an de serîlêdan hatibû kirin. Ji wê rojê de doz li avakaran hatibû vekirin. Niha Serokê Kurdsîadê Abdulbakî Karadenîz bi sedema "muxalefeta li zagonên komeleyan" bi 10 meh cezayê hepsê û 820 TL cezayê pereyan hat cezakirin. Komele hat girtin, cezayê Karadenîz hat bi paş ve xistin.

Dozger di 10'ê adara 2016'an de lêpirsîn temam kiribû û xwestibû dadger cezayê bibire. Di rêziknameya komeleyê xala 2'yan de li heft cihan peyva "kurd" û "Kurdistan" derbas dibû. Ev yek û ligel peyva "Kurdistan" a di navê komeleyê de bû sedema girtina komeleyê û dozvekirinê.

Dozger dibêje ku ji bo başûrêrojhilat û rojhilatê Anadoluyê ya Tirkiyeyê gotine "Kurdistan" lê herêmek wisa nîn e, bi taybetî PKK peyva Kurdistan ji bo vê derê bikar tîne û wisa gotiye: "Ev gotin hemwelatiyên me yên bi eslê xwe kurd ji hemwelatiyên din vediqetîne" û qala yekbûyîna Komara Tirkiyeyê kiriye. Dozger dibêje mafê di Zagona Bingehîn de heye destûrê nade kesî ku welat û milet ji hev parçe bike.

Parêzerê Serokê Komeleyê Karadenîz ê bi navê Bariş Yavuz jî vê biryara wekî dijî xwerêxistinkirin û azadiya ramanê dinirxîne û dibêje, "Peyva Kurdistan bi hezaran salan e li erdnîgariya Anadoluyê tê bikaranîn. SErokomarê niha di 18'ê beranbara 1991'ê de ev peyva Kurdistan bi nav kiriye. Li ser vê axê ji aliyê aborî ve xwerêxistinkirina mirovan divê ne sûc be."