DiyarName.Com

Hekîm Sefkan piştî 17 salan careke din vedigere ser ekranê

Hunermend û helbestvan Hekîm Sefkan ku yek ji bernameçêkerên destpêkê yê televîzyonên kurdî ye, piştî 17 sal

Diyarname

Hunermend û helbestvan Hekîm Sefkan ku yek ji bernameçêkerên destpêkê yê televîzyonên kurdî ye, piştî 17 salan careke din vedigere ser ekranê. Hunermend Sefkan ku bi karê xwe yê helbestvanî û awazdanînê di qada hunerî de ji nêz ve tê naskirin, di sala 1995'an de di Med TV de destpêkê bernameya "Keskesor" amade kir û dû re jî bi pêşkêşvaniya bernameya "Rê bi Rê Kurdistan" hat naskirin.

KARÊ HUNERÎ DIDOME

Di sala 1999'an de di CTV de bernameya "Hunername" amade û pêşkêş kir. Piştre jî di Medya TV de heta dawiya 2003'yan bernameyên wekî "Tava Heyvê" û "Bêhna Şevê" pêşkêş kirin.

Li gor agahdariyên Diyarnamê bi dest xistine, Hekîm Sefkan wê ji destpêka sala nû û pê de di televîzyona Med Muzîkê de dîsa bernameyeke hunerî bi navê "Hunername" pêşkêş bike. Bi vê bernameyê 17 sal li ser bernameya wî ya dawiyê di tv'yê de hatibû weşandin re derbas dibe. Bername wê her hefte carekî were weşandin. Naveroka bernamê jî wê bi beşdariya hunermend û rewşenbîran li ser mijarên cuda bin.

BERNAME DEST PÊ DIKE

Heta niha bi dehan stran, helbest û sirûdên Hekîm Sefkan ji aliyê gelek hunermend û komên muzîkê ve hatine xwendin. Her wiha ew senarîst û serekaktorê rêzefîlma "Dengê Defê" bû. Ji bilî du pirtûkên wî yên helbestan, sê albumên wî jî hatine weşandin. Di rojname û kovarên cuda de gelek nivîsên wî hatine weşandin û wî wextekî dirêj di malpera me Diyarnamê de jî wekî qunciknivîs beşdarî ki

Bernameya pêşî ya Hunernameyê roja yekşemê, 03.01.2021’ê bê weşandin û mêvanê vê bernameyê dê hunermendê ermenî Îbrahîm Keivo be.

***

Nûçeya Eleqedar:

- Televîzyona Med Muzîk di sala nû de formata weşanê diguherîne