Diyarname

Kurtedemek berê di rojnameya Yenî Yaşamê de Aybuke Elîf Yilmaz li ser akademîsyon Nesîm Sonmez bi sernavê "Li nav Kurdolojiyê întîhala Nesîm Sonmez" nivîsek dirêj nivîsîbû. Me jî ew nivîs bi kurtahî dabû. Nesîm Sonmez li hemberî îdîayan di heman rojnameyê de bersiva Yilmaz daye. Ji bo mafê wî divê em dîsa bi kurtahî û tiştên bi nivîsa berê re eleqedar ku li vir hatine weşandin em bidin. 

Sonmez gotiye "Ez meraq dikim, ger ez bi delîlan eşkere bikim ku tiştên di nivîsê de hatine gotin hemû derew in dê nivîskar şerm bike? Di kurtî de gotineke pêşiyan heye dibêjin 'Dizanin malan barkirîye lê nizanin li ku danîye.' Mixabin yên ku rêberî ji bo kesa nivîs nivîsiye kirine mixabin rêyek şaş dane pêşiya wê."

Di nîvîsê de Yilmaz meseleya gotara "Baba Tahir di Wêjeya Kurdî de" întîhal kiriye derxistibû pêş. Gotibû fotoyên ku Sonmez bikar anîne jî yên Mehmet Nur Yavuzer in, Yavuzer ji muzeya Konyayê tiştên girtibûn jî Sonmez wekî yên xwe nîşan dane. Li ser van Sonmez gotiye, "Kesa ev îdîa anîne rojevê hay ji gotar û teblîgê nîn e, ew qas ji ferqa van herduyan dûr e. Ew metna 'teblîx'ê ye. Fotayên gora Baba Tahir jî bikevin înternetê hûn dê her derê bibînin. Tiştên li muzeya Konyayê jî bi nimreya '2530' ne û kî serî lê bide dikare bigire."

Sonmez gotiye di dema komxebata Zanîngeha Artûklû de wî teblîx daye, lê dema pêşkêş kiriye jî gotiye ji teza xwendekarê xwe (M.N. Yavuzer) sûde girtiye.

**
Nivîsên eleqedar.
- Kurdiya nivîsa Aybuke Elîf Yilmaz: Li nav Kurdolojiyê întîhala Nesîm Sonmez

 
- Tirkiya nivîsa Aybuke Elî Ylimaz: Kurdolojîde întîhalîn ABC’sî: Nesim Sonmez ornegî / Aykube Elîf Yilmaz 

- Tirkiye bersiva Nesim Sonmez: Nesim Sönmez’den yanıt