Diyarname

Nivîskar H.Kovan Baqî bi navê "Orok" romaneke nû derxist. Romana ku ji Weşanxaneya Lîs derketiye ji di purtûkan pêk tê.

Baqî di romana xwe ya nû de tiştek nû ceribandin ye, navê "Orok" li romanê kiriye lê du pirtûk têde anîne cih ku ya yekemîn "Sî'bera Zeyno" ye û di sala 2017'an de derketibû. Ew pirtûk bi navê "Kitaba ewil" xistiye romanê û wekî "Kitaba Duyemîn" pirtûka nû "Sîya Gotinê" lê kiriye; her du bi hev ve girê dane û bi vî awayî "Orok" temam kiriye.

Zimanê H.Kovan Baqî balkêş e, bi peyvan dilîze û zêdetir jî erotîk e; "Hela çavên xwe bigir, bê çawa morîkên memikên Zeyno ji pişta ezmanê devê gotinên min re dibin balîf. Erê zar û zimanekî wan nîn e, lê stranên herî xweş bexşî rihê min dikin-har dikin, car dikin, aş û aram dikin. Memikên Zeynoka min ji nêm û elemetê zerpitî ne; çi cara ez di'mê'jîn'imm, ew êşê ji bîr dikin, ez jî birçîbûnê."

"Orok"ê ku şeşemîn romana Baqî ye li dor karakterên bi navên Zeyno û Fendo digere.

H. Kovan Baqî kî ye?

 H. Kovan Baqî di sala 1972’yan de li Herêmya ya Dêrika Çiyayê Mazî ya Mêrdînê hatiye dinê. Dibistana seretayî li Herêmya/Dêrikê xwend û dev ji xwendina dibistanê berda. Baqî ji sala 2004'an ve li Îzmîrê dijî, ligel karê nivîskariyê, karê edîtorî û redaksiyonê jî dike. 

Pirtûkên wî yên ku heta niha derketine:

- Çîroka Çîrokan / Çîrok / 2004 / Weşanên Bajar

- Bêexlaq / Çîrok / 2012/ Weşanên Na

- Heteroglossîa / Roman / 2014 / Weşanên Ronahî

- Aporîa / Roman / 2015 / Weşanên Na

- Dîfferance / Roman / 2016 / Weşanên Na

- Sî'bera Zeyno / Roman / 2017/ Weşanên J&J

- Kî / Roman / 2019/ Weşanên J&J

- Orok / Roman / 2020/ Weşanên Lîs

- Olmeyi Beceremeyen Hiç / Roman / 2018 / Weşanên J&J

- Orok / H.Kovan Baqî / Roman / Weşanên Lîs / 192 rûpel / 2020