Diyarname
Komek ciwanên ku bi navê “Şêwra Xwendinê” tên ba hev û her carê pirtûkek dinirxînin vê carê ev kom romana “Pêşangeha Sûretan” a Îrfan Amîda dinirxîne.

Kom wisa dibêje “Em tecrubeyên xemxurên kurdî û rabirduya edebiyata kurdî ji bo tevgera karên hunerî pêwîst dibînin. Ev ne perwerdekirin e; karekî kollektîv e. Rastiya kifşkirina ziman û edebiyata kurdî ya îroyîn e.
Berhemên Edebiyata Kurdî li benda dîtin û nirxandinên xwendevanên xwe ye. Li gorî pîvan û mijarên wêjeyî û hunerî atmosfereke kurdî li benda we ye. Heger hûn têkîldarên Huner û Edebiyata Kurdî bin, hûn dikarin bibin mêvanê Seyr-î Meselê.
Eger têkiliya we bi xwendina kurdî hebe û hûn dixwazin berhemên kurdî binirxînin û çavderiyên xwe par ve bikin, Seyr-î Mesel li benda we ye.
 Nivîskarên Kurd, di berhemên xwe de “Çi?”, “ji bo çi?” û “çawa?” dinivîsînin?
Yên ku bixwazin edebiyata kurdî ji nêz ve nas bikin; yên ku bixwazin bi kurdî binivîsînin; yên ku bixwazin xwe bi kurdî binasin, dikarin werin Şêwira Edebiyata Kurdî.”

Kesên beşdarî “Şêwra Xwendinê” dibin, berî kombûnê berhema ku diyar kirine dixwînin û bi vî awayî tên kombûnê.
Şêwra Xwendinê heta niha ji “Şivanê Kurmanca” ya Erebê Şemo heta “Sobarto”ya Helîm Yûsiv, ji “Mîrnameya” Jan Dost heta “Bendname”ya Remezan Alan, ji “Hewarî”yê Heciyê Cindî heta “Gotinên Gunehkar”a Hesenê Metê heta niha 24 berhem wekî mijar girtiye dest, nirxandiye û gotina xwe gotiye.

Kombûna Şêwra Xwendinê ya li ser romana Îrfan Amîda “Pêşangeha Sûretan” dê 16’ê kewçêrê li dar bikeve.

Ji bo kesên eleqedar:
ŞÊWIRA XWENDINÊ
(DI WÊJEYA KURDÎ DE ÇAVDÊRIYA XWENDEVANAN )
Dema Civînê: 16.10.2011 (Şemî)
Saet: 16:00- 17:30
Ciyê Civînê: Seyr-î Mesel
Navnîşan: İstiklal Cd. İmam Adnan-Nane Sk. No: 5/4 Beyoğlu/İstanbul
Tel: 0 (212) 244 97 89
Peyam: sewraxwendine@gmail.com